影片
更多
2024-07-18
58 瀏覽
同事升職請食飯，team大佬最鍾意就係打邊爐，識飲識食嘅秘書姐姐推介九龍城一間火鍋店，仲幫手book埋枱，超高效率！餐廳安排咗間包廂俾我哋，私隱度高，成班嘩鬼都唔驚嘈親隔離🤪前菜叫咗碟麻辣魚皮，魚皮非常爽脆，配埋麻辣汁好惹味，食到停唔到口！見到餐廳慶祝14周年做推廣，$488 有澳洲龍蝦刺身，當然要叫嚟試試！好快成盤龍蝦刺身就出現嚮眼前！起咗肉嘅原隻龍蝦非常吸睛，大家都忙住要打卡影相😆 龍蝦肉都真係唔少，好新鮮，肉質超彈牙，夾起上黎見肉質晶瑩剔透，以$488嚟講真係超值！我哋加$98叫左個有機蕃茄薯仔龍蝦頭尾湯。湯底好濃郁，忍唔住飲咗幾啖🤣我哋都叫左唔少火鍋配料，特別深刻嘅係手打牛肉丸，牛肉味超濃，係試過咁多間火鍋店嚟講最濃牛味的！上菜時職員特別提醒我哋淥牛丸嘅時間，令到我哋可以試到牛丸最佳嘅味道，非常貼心。另外西班牙豬梅片都非常出色，豬梅片薄切令口感更加嫩滑！另外估唔到用蕃茄薯仔濃湯打邊爐都唔錯，湯底夠濃郁令到火鍋配料好快就吸左蕃茄鮮味。大大件薯仔煲到軟身，吸哂湯底味道，好好味😋餐廳特設小朋友玩樂區，就嚮餐廳地下卡位附近，啱晒要湊小朋友但又想打邊爐嘅朋友，可以一路打邊爐一路睇住小朋友
餐廳安排咗間包廂俾我哋，私隱度高，成班嘩鬼都唔驚嘈親隔離🤪
前菜叫咗碟麻辣魚皮，魚皮非常爽脆，配埋麻辣汁好惹味，食到停唔到口！
見到餐廳慶祝14周年做推廣，$488 有澳洲龍蝦刺身，當然要叫嚟試試！好快成盤龍蝦刺身就出現嚮眼前！起咗肉嘅原隻龍蝦非常吸睛，大家都忙住要打卡影相😆 龍蝦肉都真係唔少，好新鮮，肉質超彈牙，夾起上黎見肉質晶瑩剔透，以$488嚟講真係超值！
我哋加$98叫左個有機蕃茄薯仔龍蝦頭尾湯。湯底好濃郁，忍唔住飲咗幾啖🤣
我哋都叫左唔少火鍋配料，特別深刻嘅係手打牛肉丸，牛肉味超濃，係試過咁多間火鍋店嚟講最濃牛味的！上菜時職員特別提醒我哋淥牛丸嘅時間，令到我哋可以試到牛丸最佳嘅味道，非常貼心。另外西班牙豬梅片都非常出色，豬梅片薄切令口感更加嫩滑！
另外估唔到用蕃茄薯仔濃湯打邊爐都唔錯，湯底夠濃郁令到火鍋配料好快就吸左蕃茄鮮味。大大件薯仔煲到軟身，吸哂湯底味道，好好味😋
餐廳特設小朋友玩樂區，就嚮餐廳地下卡位附近，啱晒要湊小朋友但又想打邊爐嘅朋友，可以一路打邊爐一路睇住小朋友放電！下次同有小朋友嘅朋友聚會有多個選擇了！
張貼
