金撈老鴨湯刺身火鍋專門店 (已結業)

聽朋友講話之前就算係平日都好難訂位，呢排少咗客，我就即日都訂到。先嚟咗個刺身拼盤，有六種唔同刺身仲鋪埋金箔，𩶘魚刺身，肉爽彈牙, 淨係睇賣相都夠晒吸引，食完先上家傳老鴨湯，輕輕有啲中藥藥材好好味，之後先用嚟打邊爐。佢個牛三星（有牛頸脊、牛肉粒、牛胸爽同牛舌，應該叫四星？）啲牛味好重，牛胸爽真係好爽，三層份量多到五個人都食唔完。其他火鍋配料好似韮菜餃、鵝腸都好有水準，桶蠔有半隻手掌大都有五隻，值得再次幫襯！