影片
更多
2019-09-22
1114 瀏覽
天氣真係太熱了，所以lunch time都想去食過刨冰🍧先再努力工作。但呢排胃口真係麻麻，好彩朋友都唔大食，所以我哋叫咗一個咸食同一個甜食share。咸食選擇唔算多，飯麵類得三樣，另外仲有啲小食；而甜品就多啲有仙草、剉冰等等。呢到食物價格都比較平，特別係甜品👍。我哋叫咗香酥排骨飯($45)，賣相都ok啦，炸排骨即係炸豬扒🐷，叫做有四嚿，都幾厚肉，味道都幾唔錯，入味得嚟肉又嫩。鹵蛋就無豬扒咁入味，一般般，另外亦有幾片青瓜🥒，多啲就好。個飯夠汁的唔錯，份量睇落好似好細，但其實唔係!!，係夠2個人食，都叫做可以分到兩細碗，不過豬扒可以大塊啲。另外叫咗🍧招牌綜合芋香剉冰($35)，店員有主動問使咪後上，我哋一次過食埋啦，嘩一嚟到發現份量超多，比平日大起碼1.5倍👍，而且配料好豐富好多，包括芋圓、地瓜圓、芋頭、珍珠、湯圓(白玉?)、綠豆仁、西米、薏仁、紅豆等等，造型夠哂吸睛☺️。剉冰甜甜的，因為有煉奶，咁樣已經好好食，另外亦熔得唔算快。不過唔係樣樣配料都咁好食，我覺得芋圓地瓜圓比較粉，唔夠嚼口，麻麻哋，其他就正正常常，但珍珠就幾好😄。由於lunch time時間有限同埋份量勁多，所以2個人都食唔哂
天氣真係太熱了，所以lunch time都想去食過刨冰🍧先再努力工作。但呢排胃口真係麻麻，好彩朋友都唔大食，所以我哋叫咗一個咸食同一個甜食share。咸食選擇唔算多，飯麵類得三樣，另外仲有啲小食；而甜品就多啲有仙草、剉冰等等。呢到食物價格都比較平，特別係甜品👍。
我哋叫咗香酥排骨飯($45)，賣相都ok啦，炸排骨即係炸豬扒🐷，叫做有四嚿，都幾厚肉，味道都幾唔錯，入味得嚟肉又嫩。鹵蛋就無豬扒咁入味，一般般，另外亦有幾片青瓜🥒，多啲就好。個飯夠汁的唔錯，份量睇落好似好細，但其實唔係!!，係夠2個人食，都叫做可以分到兩細碗，不過豬扒可以大塊啲。
香酥排骨飯
$45
32 瀏覽
0 讚好
0 留言
另外叫咗🍧招牌綜合芋香剉冰($35)，店員有主動問使咪後上，我哋一次過食埋啦，嘩一嚟到發現份量超多，比平日大起碼1.5倍👍，而且配料好豐富好多，包括芋圓、地瓜圓、芋頭、珍珠、湯圓(白玉?)、綠豆仁、西米、薏仁、紅豆等等，造型夠哂吸睛☺️。剉冰甜甜的，因為有煉奶，咁樣已經好好食，另外亦熔得唔算快。不過唔係樣樣配料都咁好食，我覺得芋圓地瓜圓比較粉，唔夠嚼口，麻麻哋，其他就正正常常，但珍珠就幾好😄。由於lunch time時間有限同埋份量勁多，所以2個人都食唔哂🙈，下次可以要$28嗰個招牌迷你剉冰，應該都夠食。
招牌綜合芋香剉冰
$35
27 瀏覽
0 讚好
0 留言
招牌綜合芋香剉冰
$35
24 瀏覽
0 讚好
0 留言
總括嚟講，食物味道未算勁好食，但性價比高，特別係甜品，我有機會都會再嚟食，試埋其他🤗。環境都算乾淨光猛，坐得都舒舒服服，餐廳亦比想像中大，坐到唔少人。姐姐服務都ok丫，會問你甜品使咪後上。舖頭位置唔近地鐵站，係深水埗同太子之間嘅內街地舖，但正正因為喺呢個位置比較靜，大廈唔高，所以我覺得好似置身於台灣高雄咁哈哈。
張貼
