前家樂餐廳火鍋店 (已結業)

上網睇到openrice見到前家樂幾高人氣！見到d食評又幾正面，最緊要係見到d野食相賣相又唔錯！於是就同朋友仔試下啦。入到去叫左個雞褒，聞到都幾香，味道剛剛好，唔會太咸，隻雞算滑！加埋芫西總香噴噴！食完個雞緊係要加湯打邊爐啦，叫左個炸魚皮都幾脆囗沾一沾湯食好好味，好怕食到d擺左好耐又淋的炸魚皮！總有叫左個炸響鈴，都幾脆，但係我都係鍾意炸魚皮多d!之後食左個豬頸肉都好香好肥美，加埋個湯滲埋d味，正呀！總有叫左個芝士竹輪，芝士味其實真係好容易夾到其他食物！所以又係無得輸！之後再叫多個豬潤,好爽口，幾新鮮，無臭味！其實呢間餐廳用料都幾有質素，正所謂一分錢一分貨,睇得出真係用心經營，唔似個d典型任食火鍋！所以打邊爐唔一定要任食，質素先係最重要！