壹碗麵 (已結業)

呢間餐廳係我第一間落筆寫衰嘅餐廳？ 個湯底暖嘅， 粗面嘅質地林bet bet，豬軟骨肉質好鞋，就連最基本嘅菜心，好似灼咗兩日咁, 根本係菜湯啲菜渣。杯檸茶連檸檬都要特別切薄片，沖檸檬茶個廚師之前係咪做刺身㗎。老實講一碗麵，真係難食極有個譜， 點解可以整到咁難食㗎碗嘢 -_-#..... 湯底我叫辣味， 請問辣咗喺邊度? 一碗麵收64蚊， 就算租貴， 都冇理由畀啲咁嘅質素人哋食。 喺小弟食麵嘅歷史嚟講， 呢間都係可以入頭五甲， 難食嗰一隻! 老闆老闆廚師廚師希望你改善下啦， 煮返啲有良心嘅嘢畀人食啦。