麗新美食坊

營業中

休息中

樓下果位食家,我覺得似賣廣告居多,寫食評又冇評價邊樣好食,只係不停讚食物及服務?!但又唔知究竟邊樣好食?呢間【麗新】好得意好特別,因為鋪面冇招牌,我懷疑係冇食物牌照!?我唔係踩呢間食肆,講真佢裝修,以果一條街講,算係幾企理幾搶眼。但佢前身係【元朗廣場】,側邊巷仔茶水檔,之後搬過擴充營業。呢間餐廳仲有外號,係叫【警察食堂】,因為太近警署及宿舍,加埋佢係新開張,同埋裝修較企理,所以好多差人都會新屎坑,會不時幫襯一下囉!食物方面普通加一般,感覺只係茶水檔水準,但係有冷氣地方坐囉!服務講,只係事頭婆較殷勤,因為事頭婆佢明白良好服務,先有回頭客嘛!事頭婆佢本身係教幼稚園,所以佢本身唔係飲食出身,但佢外行人講,企顧客方面諗,係總好過佢老公諗!老闆聽聞聽從堪虞大師指示,留滿鬍鬚旺事業,可能咁得咁喬,留鬚又好似轉運喎...哈!不過以我顧客方面睇,老闆企水吧內,滿臉長鬍鬚就好似唔多好睇,加埋好似唔多衛生,或者本身佢留鬚唔好睇卦!?佢鬚好似唔多順,我覺得佢要做下負離子囉...哈!食物如果再維持茶水檔水準,我覺得好難維持生意囉!同埋我覺得事頭婆,殷勤服務態度過份殷勤,殷勤到我覺得好煩,食緊都要不停摟客講!價