悦 私房菜 (荃灣廣場) (已結業)

其實算係非常有驚喜嘅晚餐！雖然小小貴，但我覺得物有所值。素鵝為冷盤。內容物爽口甘香，腐皮幼滑，同一般較香口嘅有分別。幾唔錯嘅頭盤。蝦膠豆腐嘅配搭好好。香口又濃郁。我地兩個人一人要食3舊其實...非常非常飽😂。不過係好味嘅。多啲人先叫會好啲。個香蔥帶子炒飯正呀！多蔥控必食！每一啖都係濃濃嘅蔥味，飯粒粒尚分明，炒得夠火候之餘，碟底亦見唔到有多餘嘅油，足見廚師功架。好多瑤柱，好多蝦乾，令一個平凡嘅雜菜煲充滿住海味嘅咸香味。