悦 私房菜 (荃灣廣場) (已結業)

這天用了消費券來飲茶，呢間雖然唔係酒樓，不過都有點心食，見佢點心款式同一般酒樓唔同，所以就黎試下。🌻龍皇脆皮腸腸粉很滑，內裡有鬆脆口感，有驚喜🌻虫草花燒賣燒賣也不錯，有虫草花增添口感🌻芋頭薄罉這個很夠脆，我好鍾意!而且唔會覺得好厚粉，可惜朋友反而怕熱氣，將最脆嘅邊都咬哂出來唔吃🌻姬松茸灌湯餃呢個胡椒味偏重，一般般，比姬松茸個名吸引左質素還可以，整體唔差，只係灌湯餃唔太喜歡。但如果餐廳叫私房菜，我本來對他期望較高的，所以比預期有少許落差

好耐無飲茶，想同屋企人食好d😍剛剛同家人去荃灣行街，發現好多酒樓都無開，終於搵到間有開，馬上入去試下佢嘅點心都好有心機，睇下Meua先，見到價錢都合理，並且唔收加一，10蚊一位茶錢，都幾低食鳳爪排骨飯超好食，飯粒粒分明$36鳳爪個味道好特別，不似一般普通野$28蘿蔔糕好足料，有好多蘿蔔絲$28叉燒包$22 至尊蝦餃$36牛肉腸粉 $36腸粉好足料服務都好好，感覺上比一般嘅茶樓環境乾淨同舒服好多，一定會再來。

【荃灣超精緻吸睛點心 必試即拉紅米腸！】呢間位於荃灣嘅私房菜估唔到日間時間有賣點心😍，而且款款點心都整得十分精緻，可打卡📸之餘又好食，誠心推薦比大家👍🏼！［小點💰23 中點💰28 大點💰33 特點💰39 精點💰48］🍄蟲草花滑雞紅米腸粉 💰33Steamed Red Rice Rolls With Cordyceps Flower & Chicken(8/10)白色嘅腸粉成日見，但紅色嘅腸粉真係第一次食🤔，係由紅米製成，質感好滑，食落去感覺好養生😂，入邊係超足料嘅蟲草花滑雞😍，鮮香彈滑，有驚喜！🧆和風牛肉炒稻庭烏冬 💰138Japanese Beef Fried Inaniwa Udon(7/10)呢個炒烏冬超大份😱，4個人食都可以，稻庭烏冬口感彈牙🥰，配上燒汁和風牛肉，再灑上柴魚片，正！🥩金銀黑蒜蒸排骨 💰33Black Garlic Spare Ribs(8/10)排骨配上黑蒜同炸蒜，更吸到豆豉汁，排骨肉嫩滑又好味，夠曬腍，正😍！🟩雪膠翡翠花菇燒賣【4粒】💰39Snow Gum Siu Mai Dumpling 4pcs(7/10)第一次食綠色嘅燒賣，感覺好得意，有少許菇味🍄，肉味

食物有水準不過服務態度很差 ，邊有理有打電話叫外賣叫個客人俾錢先，先整到個外賣俾你我比到錢嘅話使鬼打電話叫人過嚟嗌外賣咩，員工服務態度極差嬉皮笑臉 簡直不知所謂！！！！！！！！

由於同兩老同去，且是第一次光顧，所以提前以電話訂了 1 pm 四位，當時被告知如果人多，訂了枱亦可能要等。因此當天同老公12:40pm 便到逹攞枱。兩老行路需時，12:55pm 未見踪影，但由於還未到 1pm, 我們亦不以為意，怎知此時女職員怒氣沖沖的過來，說用餐時間只有一個鐿，問我們究意想怎樣，又說我們 "霸" 住張六人枱，要我們換枱... 我們還未反應過來，她已經動手拿走我們的餐具...  剛好兩老到了，她才倖倖然作罷。此時她的男上司以非常厭惡的口吻催促我們下單... 如果不是有老人家在場，我一定已經拂袖離去。此次非常不愉快的經驗源自三點: 首先，從來沒有人提過有用餐時間限制，由訂枱到攞枱，一次都沒有。其次，張6 人枱不是我要求的，是職員給的，竟然變成了我們 霸住張枱；最後，部長那句 "咁你地拿拿聲點餐啦"，加上目露凶光，令我感到自己變了過街老鼠，而非食客。外出用膳這麼多次，此處服務之惡劣，真喺無出其右！

逛完商場食晚飯，見到悅私房菜有張超悅價菜單，菜式合我心水於是去食個晚飯。印象中私房菜都是一些有自己特色的菜餚，做出來的味道與別不同。今晚叫的菜看來都是一些家常菜，不知道有否驚喜。待應引領入座，店鋪面積不大，食客也不滿，靠窗的位置全部安排六人檯，其他位置是四人檯。我們只有兩人坐不到窗旁檯了。餐具印有水墨畫像及自己招牌，白陶瓷的材質，顯得雅致。公筷私筷並列，一黑色一象牙色，各有位置。今晚選超悅價菜式可以加18元叫一客燉湯，我看原價要68元一位，所以也加追。點了三個菜式，加兩客燉湯，品嚐過果然有驚喜。先喝湯，杏汁白肺湯。一個小湯盅放上檯前，開蓋後杏汁味道悠然飄至，奶白的湯內有雞腳，豬肺、螺片、馬蹄，湯水清甜不膩，這個燉湯做得不錯。要了一款涼菜，香菇素鵝，擺碟有心思，長身的碟型放了三條切好了的素鵝，兩小件為一組，層疊有序，金黃腐皮上放上紅色食用花。腐皮內包著大量已切絲的菇類，又有一些芹菜絲，件件軟綿入口容易，腐皮很薄又多汁，確是一道不錯小吃。涼瓜炒牛肉，喜歡涼瓜的人對這家常菜不陌生，但要煮得好吃不容易。今次這店做得很好，涼瓜不苦又爽口，牛肉軟滑有咬口，豉汁調配不過份，不會一口都是糊汁，只有吃到

今晚同家人食飯，揀左位於荃灣廣場4F既 悅 私房菜！🙂餐廳入口於CD warehouse 對面，少少隱蔽。我地一利4人叫左6道菜。😋1. 蟹逅店員強烈推介試試呢味菜，話停左幾個月，最近先再出，店員服務態度okay既；就試試佢。其實就係上層有蟹鉗，下層炒蛋白。旁邊伴碟既係紅菜頭汁薯蓉。味道不濃不淡，剛好到位，賣相就當然令人非常賞心悅目既。2. 紫霞盤龍雙弄賣相不錯既，小小蒸籠入面有既係，底層糯米，中間係蝦肉，面層蝦頭。大部分餐廳食物如果以賣相行起既，食物質素多數一般或者 唔會想再有下次，而呢一間悅 私房菜。食物質素ok 既！3. 香煎戈塔帶子呢味係是但求其點既，味道還可以，面層帶子 下層為蝦滑啦。唔差既，不過下一次再黎既話 我會揀下其他。😜4. 大莫孜然牛肉鍾意孜然既話，呢個菜真係要叫啦！惹味可口，同埋本人好很鍾意食菌類，呢個配搭晒口味。5. 黑松露紅燒真菌豆腐豆腐真菌配搭都無死人既，再配上黑松露醬。不過係略嫌黑松露個味唔夠出，主調係咸味而已。6.金湯綠柳食左幾味濃味野，講下食菜呢，呢碟個菜式名 係改得不錯，有下心思，節瓜絲配個都幾積身既南瓜汁。再加埋蘆筍既爽口配搭，件事可以既。家人有優

之前黎過食晚飯，覺得呢度d菜式有特色，價錢雖然唔係平，但味道及誠意加分。疫情期間想支持小店，就帶父母黎飲早茶，但大失所望。9點幾，得幾枱客，一黎到就可以入座。光線充足，環境唔錯，我地飲鐵觀音，茶葉ok啦。落完單，等一陣就有嘢食到。首先係碗菜乾豬骨粥，父母嚐了一口就豪不客氣表示難吃，菜乾同粥底都無味。然後其他嘢食相繼送到黑金軟滑流沙包實在不能接受，個包唔熱，所以唔夠鬆軟，搣開個包好似空心咁，d餡根本無填滿（一半都無）個包，更遑論流心，餡料也沒有奶黃香，只有不自然的甜味。基本上所有食物都唔夠熱，所以蝦餃皮略硬，吃不到蝦的鮮味。脆貝蝦仁紅米腸，我覺得腸粉皮唔錯，有韌度唔會糊口，蝦一樣係無鮮味，但整體而言我覺得呢碟腸粉係正常嘅，不過媽咪話佢食嗰件鹹到入唔到口，可能灑鹽唔均勻。雪膠翡翠花菇燒賣，完全吃不到菇味，只是一團肉，而且略嫌硬身。粟米球，我無食，父母也沒有置評。平時我地3個人6個點心就夠，但由於呢度所有點心size偏小，於是加單。這一輪的點心同時上枱，而且蒸得比較透，終於感到食物應有嘅熱度。松子潮州小粉果，味道一般，咬開係見到兩粒松子嘅，但吃不到其香味。鮮竹陳皮牛肉球，終於食得到應有的肉味

星期六中午想係荃灣揾茶飲下又唔洗排隊係唔容易，記起荃灣廣場有一間細細地嘅茶樓，就試下有無位，啱啱好到達時仲有小量位由於同媽媽兩個人都細食，所以叫左3樣加一碗湯就夠。藍莓淮山（凍）酸酸甜甜，易入口。淮山爽口，分量兩人剛剛好。燉湯見中午餐牌無湯顯示，就問一問侍應，今日嘅湯係花旗參燉雞。味道係唔錯，夠味嘅，不過完全無花旗參味道。馬拉糕斑蘭就一定係綠色，吸睛。甜道偏低，質感軟，不過有小小乾身。蝦子柚皮今時今日蝦子柚皮已經買少見少，所以難得見到，必點。味道基本上無得輸，個汁一流，配上蝦子，絕配，不過有一點稍為失色 就係個質感，太淋，但整體黎講係可以一試嘅。

book位去，鋪面其實比想像中細坐都算舒服正常，menu選擇都多上菜速度幾好，黎到都係岩岩煮起。最有驚喜係蝦子柚皮(68 HKD)同東坡肉(148 HKD)。兩道餸都食得出主廚既功力係超水準。

疫情限聚已經好耐冇一家大細去飲茶，好掛住啲酒樓點心，但外賣一般都難食而卻步無謂嘥錢。直至搵到呢間，點心好味之餘仲非常有睇頭，荃灣街坊好有福🥺雖然只係屋企環境，但啲靚點心完全安慰到無得堂食嘅心，賣相真係加到好多分，起碼返到屋企打開唔覺得係食緊包•先生啲蝦餃燒賣囉🥲特別一讚係個蝦餃，足料唔在講，個賣相以為自己食緊五星酒店嘅中菜，淺淺嘅藍色餃皮透出飽滿蝦肉，加埋少少金箔，好鬼高貴。石窩炒腸粉夠獲氣好食，甜點香芋綠茶餅好夾，甜度適中，皮底又酥脆，配埋包邊脆芝麻真係好香，非常有誠意，外賣八折，$20/3塊，痴線級抵😳🔍！雖然要搭車買返屋企，但見雙親食得返好味酒樓點心嗰種滿足，做仔女嘅，係真安心囉。😎

一家四口，食過幾次，以食物質素來說，其實價錢並不算貴，服務招呼很好，而且乾淨企理，比一般茶樓高質每樣餸都唔會失望，又靚又好食。推介欖角排骨，炸子雞同霹靂泡飯，正！

紀念日嚟呢度食晚飯有意外驚喜，平時食中菜嚟嚟去去都係食啲公式野，喺度可以試到一啲特別嘅菜式，而且阿姐仲會講解每樣餸用料特別之處，一邊食一邊感受吓師傅嘅用心，感覺寧舍好味

荃灣少有唔係集團嘅中菜，開左一年，終於有機會試下。裝修一般中餐格局，不過幾光猛又坐得幾闊落，可能因為有限聚，又唔係太多人唔洗等位。兩個人食，叫左四個餸。睇得出個廚係有心機整，唔係一般中菜咁行，最鍾意係個蝦，食物comment請睇相。(頂，openrice可唔可以計埋相嘅字數！)侍應都主動，換碟同加水嗰d都做得快。唯獨可能我大食，覺得份量可以多d。餐牌仲有好多菜都想試，見隔離枱叫個冰震咕嚕肉好似好靚咁，我諗會黎多次。

第一次到這裡食野。工作人員態度ok.環境ok.第一次食佢早市的櫻花蝦章魚粒飯。見其他酒樓沒呢種飯，便試吓啦。一打開個蓋，賣相不錯。其實味道都ok, 但美中不足的是「飯」，飯太軟，太「林」身，沒左飯一粒粒分明的口感。有點失望。不過，味道是不錯的。另外試了一個「龍蝦汁脆春卷」，都是等特別，內裡的蝦都彈牙，都好味😋。可是，食了一個「大漠孜然牛肉鍋貼」，滿有期待。但，好可惜，如果我不知道個名，根本不是好食到孜然的味道。因此，本應特別的點心，頓時覺回一個普通嘅牛肉鍋貼而已。另外，又試左一個「鵝肝雞粒咸水角」，我都好喜歡食咸水角，特別是佢脆脆的外表。雖然一眼見到是「鵝肝」，但擔心會唔會太肥，高膽固醇。。。。不過，不是成日食，便試吓啦。結果，一來，見到賣相有少少失望。因為本應炸得金黃的外表，卻是「白白」的。。。不是金黃色。。。 用筷子一夾，便更失望，因為是「林」既。。。。🥺之後放入口食，味道正常。只係完全食不到鵝肝味道。我個人覺得佢外表炸得不夠金黃，不香脆。已經是不合規格的咸水角。不過，佢哋既味道ok! 所以下次會再試其他點心。睇下會唔會好一點啦！