麻辣風雲 (已改名) 查看

～人氣炸饅頭基本上你搜尋「麻辣風雲」都會見到呢架炸饅頭船，一上枱賣相已經好吸睛，孔明企係船頭帶住外脆內軟金黃色嘅饅頭出場真係好搞笑～酸菜魚心食過好多酸菜魚，魚肉片方面係唔錯嘅爽滑，味道方面就普通可能因為我哋order 少酸少辣，下次再試吓正常酸辣先，鍋底有薯粉本來係覺得正嘅，不過薯粉大多數都係碎曬呢度就真係扣啲分喇～脆米海鮮炒飯好足料有蝦、八爪魚、蜆肉，味道方面正常，不過加上脆米食落都算幾特別每一啖都食到脆米～乾煸四季豆其實係少少辣嘅肉碎炒四季豆，不過不失～黃金豆腐金黃色四四方方嘅炸豆腐，惹味鹹蛋黃包住軟綿綿嘅豆腐，係邪惡但係好食～自選干鍋最少自選5款食材，可自選口味同辣度，將所有食材以辣干炒煮法烹製，鍾意食辣就啱晒喇～水晶鍋巴雞粒卷鍋巴好脆炸成筒形方便放入炒雞粒，小編就覺得雞粒略為偏咸，未算好有驚喜～水蜜桃雜果茶～荔枝炸蝦球呢個炸蝦球真係好有驚喜上菜嘅時候成棵蘋果樹咁每粒蝦球都要你自己親手落去摘去食真係都幾過癮～黑糖脆炸糍粑作為飯局嘅尾聲一定要食啲甜品嘅，糍粑以條狀炸脆，我覺得未算好煙韌而且可能因為比較幼身炸到有啲乾，不過黑糖醬味道算係幾濃，可以一試