影片
更多
2020-08-20
184 瀏覽
今日嚟到尖沙咀食沾麵，呢間一直都好出名，平時夜晚食都排晒長龍，今次下午茶黎食，唔使排隊。門面睇落好細嘅舖頭原來入邊都幾大，有各式各樣嘅沾麵選擇，除咗一般嘅魚介沾麵，仲有好多特色又有創意！兩個人叫咗一人一碗沾麵。極上芝士海膽沾麵，上菜時石頭燒得好熱，裏面嘅海膽忌廉湯一路滾緊，好香！另外仲會附送一版海膽，海膽配沾麵都係第一次嘗試，又真係幾有諗頭。$158唔係特別貴，但唔好以為海膽就唔靚！食落海膽鮮甜，一啲都唔腥，好食過出面其他餐廳多多聲！豚肉魚介沾麵，差唔多每間沾麵拉麵店都一定會有嘅豚肉魚介，感覺上呢度唔會好油，食到好膩，亦都唔會得個咸字。沾麵有180g，見到好多人都食唔晒，份量好似平時嘅兩碗咁！大食之人有福了！每款都有豚肉4件，燒得好香，肥瘦均勻，特別值得一讚嘅係呢度嘅荀冇咁臭易入口！
今日嚟到尖沙咀食沾麵，呢間一直都好出名，平時夜晚食都排晒長龍，今次下午茶黎食，唔使排隊。
門面睇落好細嘅舖頭原來入邊都幾大，有各式各樣嘅沾麵選擇，除咗一般嘅魚介沾麵，仲有好多特色又有創意！
兩個人叫咗一人一碗沾麵。
極上芝士海膽沾麵，上菜時石頭燒得好熱，裏面嘅海膽忌廉湯一路滾緊，好香！另外仲會附送一版海膽，海膽配沾麵都係第一次嘗試，又真係幾有諗頭。$158唔係特別貴，但唔好以為海膽就唔靚！食落海膽鮮甜，一啲都唔腥，好食過出面其他餐廳多多聲！
豚肉魚介沾麵，差唔多每間沾麵拉麵店都一定會有嘅豚肉魚介，感覺上呢度唔會好油，食到好膩，亦都唔會得個咸字。
沾麵有180g，見到好多人都食唔晒，份量好似平時嘅兩碗咁！大食之人有福了！每款都有豚肉4件，燒得好香，肥瘦均勻，特別值得一讚嘅係呢度嘅荀冇咁臭易入口！
張貼
