影片
更多
2021-06-03
1681 瀏覽
餐廳：Nonsense (土瓜灣)地址：土瓜灣北帝街143-155號順輝大廈地下4號舖香港飲食業競爭激烈，唔少餐廳食肆都諗盡辦法去吸引食客嘅青睞👀，土瓜灣呢間Nonsense因為疫情關係，由酒吧形式慢慢轉型做fusion菜，亦專程請咗咖啡師同埋啱啱開始推出甜品menu🍮餐廳每星期會轉餐牌📜，令熟客唔會覺得沉悶，而所有嘅飲品同食物都堅持自家製，務求以最好嘅食物質素去吸引食客回頭😎午餐包餐湯同熱飲，價錢由$68-138不等，是日靚湯喺手打南瓜忌廉湯🎃，每啖都食到好smooth嘅南瓜蓉；飲品用半價叫咗兩杯signature drinks🍹，我就要咗Green Apple Cucumber Yogurt(+$29)，而朋友就揀咗Coco Blue(+$29)，我果杯有好清新青蘋果香🍏，加上乳酪、牛奶同忌廉就變得好順滑，仲帶有陣陣青瓜味🥒，幾match👍滑蛋蘑菇吉列豚肉扒飯 $98厚厚嘅炒滑蛋加咗蘑菇粒，而吉列豚肉扒就真係值得大家試吓，豬扒鬆化唔嚡，麵粉、蛋漿同麵包糠薄薄一片唔會好厚粉，一咬即脆開，加埋餐廳嘅秘製醬汁真係令人食唔停口🤤，喺我今餐至愛💕香煎日本帶子黑松露雜菌意粉 $138對比之下呢
地址：土瓜灣北帝街143-155號順輝大廈地下4號舖
香港飲食業競爭激烈，唔少餐廳食肆都諗盡辦法去吸引食客嘅青睞👀，土瓜灣呢間Nonsense因為疫情關係，由酒吧形式慢慢轉型做fusion菜，亦專程請咗咖啡師同埋啱啱開始推出甜品menu🍮
餐廳每星期會轉餐牌📜，令熟客唔會覺得沉悶，而所有嘅飲品同食物都堅持自家製，務求以最好嘅食物質素去吸引食客回頭😎
午餐包餐湯同熱飲，價錢由$68-138不等，
是日靚湯喺手打南瓜忌廉湯🎃，每啖都食到好smooth嘅南瓜蓉；飲品用半價叫咗兩杯signature drinks🍹，我就要咗Green Apple Cucumber Yogurt(+$29)，
而朋友就揀咗Coco Blue(+$29)，
我果杯有好清新青蘋果香🍏，加上乳酪、牛奶同忌廉就變得好順滑，仲帶有陣陣青瓜味🥒，幾match👍
滑蛋蘑菇吉列豚肉扒飯 $98
厚厚嘅炒滑蛋加咗蘑菇粒，而吉列豚肉扒就真係值得大家試吓，豬扒鬆化唔嚡，麵粉、蛋漿同麵包糠薄薄一片唔會好厚粉，
一咬即脆開，加埋餐廳嘅秘製醬汁真係令人食唔停口🤤，喺我今餐至愛💕
香煎日本帶子黑松露雜菌意粉 $138
對比之下呢個意粉價錢相對貴少少🤏，帶子有三粒，食落有少少過熟嘅感覺，不過味道依然新鮮；黑松露汁相當足料👏，夾起每條意粉都見到鮮明粒粒嘅黑松露，濕潤程度啱啱好，不過不失😌
避風塘日本小茄子 $68
以中式避風塘炒法去炒呢個日式小茄子🍆，喺比較新穎嘅茄子食法，食落粒粒蒜蓉甘香鹹脆，配合埋好腍嘅茄子，送飯食一流😋，如果份量多啲就好
每日精選日式卷蛋 $58
特別推介新出咗一個幾星期嘅自家製甜品，呢個玫瑰芋泥卷蛋以玫瑰芳香為主導🌹，中間嘅芋泥蓉唔會糊口，芋頭味亦唔會太濃搶走咗玫瑰嘅香，最重要擺碟擺得好靚😍，味道好夾又唔膩，打卡一流
丸久小山園抹茶日式卷蛋 $58
呢個抹茶卷蛋有三重抹茶滋味🍵，抹茶卷蛋、抹茶cream同抹茶醬，用咗甘醇濃郁而且唔重苦澀味嘅丸久小山園抹茶，抹茶控必食🤩
法式特濃黑朱古力磚配雪糕 $58
特濃黑朱古力以少甜配方製作，本身配雪糕，但問過餐廳可以轉法式焦糖布丁🍮，不過有少少後悔🤏，因為個朱古力食落比較硬身同dry，配雪糕一齊食應該中和到個濃味同texture會好好多🙈
PS同朋友慶生，餐廳仲好好講生日快樂同幫手喺甜品碟寫字添🥰
張貼
