濠餐廳

營業中

休息中

一直以來佢嘅評價唔算高，但我喜歡嚟嘅原因係呢度食物種類尚算多，以這個價錢沒有蠔也非常合理抵食，有老公最鍾意嘅長腳蟹蟹腳已經好足夠。海鮮區還有大大隻翡翠螺、青口、蝦、蜆......。韓國樂天飲品任飲，有幾部機，咖啡茶熱朱古力等也是任飲。也有大大隻開邊龍蝦。不同類型芝士，也有蜜瓜巴馬火腿。沙律菜也有多種選擇，最愛配煙三文魚。全場最受歡迎應該係呢個佛跳牆，一出就好快冇，廚師好好人，好快又會refill。魚生有吞拿魚、三文魚、希靈魚、原隻北寄貝、厚身帶子及八爪魚，好新鮮。餐廳不時會有特別音樂，由廚師重點推介特色美食，場內顧客需要盡快到場中間排隊，這個香草蒜蓉焗龍蝦，每人限取一份，十分香口！泳池旁邊有一個燒烤區，由專人鐵板燒烤各式各樣肉類、魚、蔬菜及菠蘿等。鐵板燒有時會推出澳洲和牛，香濃肉味，正呀。喇沙麵也是我喜愛之一，味道吸引，可以自選配料。甜品區有好多不同款式嘅蛋糕、葡撻、芝士撻、焦糖燉蛋、拿破崙、芝士蛋糕......應有盡有。一定要提嘅係Movenpick雪糕，仲有另一隻牌子嘅豆腐雪糕、雪條及其他冰類甜品。