麥當勞

營業中

休息中

新年假無咩做，出左黎行形點，呢個場最多人係百佳同老麥啦，行到攰攰地就食下老麥啦。特價餐加到廿四蚊，其實仲係好抵嘅，不過一加就加一蚊好似好多咁，仲有其他特價野都係加一蚊。叫左雙層芝士漢堡包餐，粟米杯加熱奶茶，是日咖啡賣哂，咁早就無，轉戰奶茶吧，個濃香奶茶都幾正，真係幾濃，粟米杯超甜粟，今日仲係熱辣辣，正喎，點解唔可以要牛油嘅？店員話無牛油？？明明其他人點全日早餐都有牛油，是但啦，都唔係一定要要嘅。芝士包就一早做定啦，唔熱，好硬好乾，原來雙層牛係無酸瓜㗎，等我仲好鍾意食塊瓜。