開花結果 (已結業)

由佢開張,發圍到搬大舖,由以前會肯花d時間(15-30分鐘)企度等位,到家下只會叫外賣,其實一直都有幫襯佢的!不過先講返服務,真係差左好多,相信同區有幫襯既都覺!服務員唔掂!堂食催命符咁,我都知你座位少,等緊既人多,但係張枱又唔大,野食又只係食到一半就逼你落飲品單,搞到張枱無位放,無餐安樂飯咁.......所以由堂食轉左外賣都有一段時間...唔知係咪唔憂做,事頭婆又去左新舖,最近接電話既人都好差!領悟力又超低!有時落單都有d火滾,重覆4次,佢都係聽唔清!鬼咩,又搞d什麼來電等候,講幾粒字又窒下,落單落到一肚火!食物味道大致都keep到,無乜退步,最正係佢d醬汁,好夾,沙律質素係keep到由開業到家下既水準!仲有要讚係最近佢地人手多左,送外賣準時左,以前真係夠膽死order 12點半,但1點半先到!d野仲係會凍哂囉!幾個月前出左新餐單,貴左好多好多,以前一個午餐加果汁都係33-34,家下要38!加左10% up!(開張時才28-29)同區好多外賣仲係做緊25-30,所以近幾個月都少叫佢了!希望佢地真係比個心出黎做,態度improve一下,keep返d熟客啦!