Cafe Zense

營業中

休息中

知道近排好多黃店救急，所以出街食飯盡可能就幫襯下呢啲小店，朋友介紹喺銅鑼灣呢間樓上餐廳，食物同環境都唔錯，所以lunch time我就去試吓，疫情期間一入餐廳都係要量體溫，同埋佢哋好好有個小信封用嚟放着口罩，用餐可以更安心， lunch time價錢合理，百零蚊有前菜，主菜，同嘢飲。前菜有餐湯或者沙律，我揀咗沙律因為天氣開始熱，食個沙律感覺清新啲，雞胸俾人嘅感覺都會好硬，但呢度嘅雞胸出奇嘅嫩滑，配埋沙律醬汁一齊食，開胃又好味。主菜叫咗龍蝦汁大蝦意大利飯，一上碟已經聞到香香嘅龍蝦湯味，大蝦彈牙而且好足料有幾隻，全部剝晒學夠晒方便，意大利飯軟硬適中，最鍾意佢加埋芝士一齊食，特別香特別好味我見到飲品可以加錢換杯特色嘢飲，上網見到好多人都飲呢度嘅沙冰，我叫咗一杯芒果士多啤梨沙冰，沙冰好軟滑唔會太甜，酸酸美味，好好味，唔怪得知咁多人叫啦。希望多點黃店可好好支持住，保持好質素，疫情過後大家一定會繼續多多支持，加油。