燒味滷師 (富榮花園) (已結業)

依家去街市買餸煮飯其實都唔平，特別係豬肉，價錢真係好貴！今晚有親戚嚟食飯，一於去燒臘舖買餸，輕鬆啲唔使煮😂呢度嘅至尊燒鵝唔會好肥，鵝肉味道甘香，用嚟送啤酒真係一流！！！跟住仲買咗半斤燒味佬叉燒，味道都唔錯，稍為偏甜咗少少。 小朋友鍾意食雞，咁就買半隻客家鹽焗雞啦。一定一定唔可以錯過佢哋嘅醬汁，點咗之後正好多！然後臨走見到泰式鳳爪賣相好好，又買咗一盒！呢個好食，鳳爪爽口，味道酸甜有少少辣味，係一個好開胃嘅小食。