高流灣海鮮火鍋 (已搬遷) 新店位置

提早預約4月16日8點，一行6人連同台灣朋友抱期待心情試高流灣。坐低無耐，一個著黑衫侍應落單。唔知係咪聽到普通話，態度差到不得了，對眼好似生係額頭，串過碼頭咕喱，原因可能係我地叫嘅野比較平民(太平)。叫都未叫完，個侍應一手拎走個餐牌，問都唔問就咁走埋，本身想拎個餐牌繼續睇下仲有咩食，攪到要叫另外一個侍應再拎餐牌黎睇過。總括黎講，呢間野服務態度同客人消費係正比，尤其是個位黑衫侍應(其實都唔好得去邊)。如果有外國朋友想試打邊爐，千祈唔好去，一定後悔。可以嘅話服務想俾負分。