影片
更多
2021-10-01
1510 瀏覽
見呢個lunch buffet 有生蠔諗住試吓，點知一試難忘，需要發篇文紀錄下 係某K 開頭既app 訂左早午餐自助餐，睇左d 評語都唔錯，圍返約$32x 一個人，就試下啦（事後才發現某app 評語既出場序好似係由評分高至低咁排列，所以如果無拉到最下，就會見到前面的大部分都係好評，很後悔！）去到行左一轉已經覺得個場好細，食物選擇很少，海鮮位有已開好既生蠔放晒出黎等人自由咁夾，咁老實說自助餐生蠔都不大期望，但呢間既生蠔味道唔新鮮又好多碎蠔殼。其他凍海鮮有青口、蜆、龍蝦鉗、海蝦，全部都淡而無味。龍蝦鉗係唯一叫做可以再食既，但食左一陣就無再refill 過了再望望刺身，只有三文魚、希靈魚同台灣鱲魚？三文魚已經係全場最正常既一樣野食…….. 切刺身果位「呀姐」就好似快餐店企水吧位果d 職員咁，又成日唔知行左去邊。另外有兩檔即煮既野食，一檔係粥，另一檔係可以選喇沙/ 豬骨湯底既麵食，另有多款普通貨式既配料可選例如芽菜、冬菇、菜心…..。 粥係無味的，相信連鹽都無落，另外湯粉麵也是無味的。再望下啲沙律放左好多盤出黎，但一盤成盤都係青瓜片，又有一盤係車厘茄，仲有啲快餐店到會咁既薯仔沙律呀 吞拿魚沙律
係某K 開頭既app 訂左早午餐自助餐，睇左d 評語都唔錯，圍返約$32x 一個人，就試下啦（事後才發現某app 評語既出場序好似係由評分高至低咁排列，所以如果無拉到最下，就會見到前面的大部分都係好評，很後悔！）
去到行左一轉已經覺得個場好細，食物選擇很少，海鮮位有已開好既生蠔放晒出黎等人自由咁夾，咁老實說自助餐生蠔都不大期望，但呢間既生蠔味道唔新鮮又好多碎蠔殼。其他凍海鮮有青口、蜆、龍蝦鉗、海蝦，全部都淡而無味。龍蝦鉗係唯一叫做可以再食既，但食左一陣就無再refill 過了
再望望刺身，只有三文魚、希靈魚同台灣鱲魚？三文魚已經係全場最正常既一樣野食…….. 切刺身果位「呀姐」就好似快餐店企水吧位果d 職員咁，又成日唔知行左去邊。
另外有兩檔即煮既野食，一檔係粥，另一檔係可以選喇沙/ 豬骨湯底既麵食，另有多款普通貨式既配料可選例如芽菜、冬菇、菜心…..。 粥係無味的，相信連鹽都無落，另外湯粉麵也是無味的。
再望下啲沙律放左好多盤出黎，但一盤成盤都係青瓜片，又有一盤係車厘茄，仲有啲快餐店到會咁既薯仔沙律呀 吞拿魚沙律咁上下，沙律既醬汁 就係用街邊篤魚蛋裝住鼓油甜醬果種膠樽黎裝住d 沙律醬。
熟食區經典，有雞翼，豬肉燒賣，鼓油炒麵，炒飯，勁鞋既蒸魚……..？一d 望到都浪費胃既食物。其實去快餐店食呢啲無咩所謂，但沒想到一個自助餐係拎呢啲野食出黎。
甜品是切好一粒粒方型的一口甜品，又係擺係到都唔吸引唔想食既，同牛x buffet 放出黎果d 差不多。雪糕只是雀x 雪糕有朱古力噴泉但水果係菠蘿，哈密瓜同西瓜，另外有棉花糖，連士多啤梨也沒有。
負責收碟既職員很主動有禮，但負責食物果邊既職員就好hea，無禮貌。
老實說兩個人$6xx 埋單，其實呢價錢去食連鎖壽司店都可以食得唔錯，拎去食某些放題仲好食過呢間所謂「酒店自助餐」。完全唔值呢個價錢，做得很差，以後不會再來。
張貼
