影片
更多
2023-04-15
546 瀏覽
《如何以劣食與趕客服務破壞一個周末晚上》“How to destroy a weekend night with terrible food and services” (For the Chef who is a foreigner)兩公婆帶住BB搵地方食晚飯，見有新餐廳就試下。餐廳主打日法fusion，總之唔係正路嘅餐牌，揀咗幾正路嘅「慢煮廣島蠔蘑菇法國牛油意粉」，另外一個signature嘅黑松露胡椒烤大雞腿。個意粉嚟到，中伏，冇蠔味、蘑菇味或者牛油味，只有重黑椒味，唔係擺少少响面嗰隻，係撈埋一齊煮嗰隻。問題係我老婆唔食辣。咁啱有個外國人似係廚師行過，我哋同佢講好辣(當然係英文)，佢類似講會煮過，行咗返廚房。十零分鐘後，戲玉嚟喇，有個自稱負責人走過嚟，聲稱話嚟解決問題，堅持話法國菜一定有黑椒、有黑椒會好食啲、你落單又冇話唔食辣、出嚟食飯唔好勞氣、不如我送甜品俾你。。。究竟解決咗咩問題呢？事實係煮過碟牛油意粉我都收貨，而佢堅持佢哋冇錯。我都未投訴佢落錯單隻雞髀叫黑松露佢落咗蒜蓉胡椒醬油俾我，當然隻雞髀亦係一隻冇烤過嘅感覺價值$128嘅普通雞髀。I am sorry, everyth
“How to destroy a weekend night with terrible food and services” (For the Chef who is a foreigner)
兩公婆帶住BB搵地方食晚飯，見有新餐廳就試下。餐廳主打日法fusion，總之唔係正路嘅餐牌，揀咗幾正路嘅「慢煮廣島蠔蘑菇法國牛油意粉」，另外一個signature嘅黑松露胡椒烤大雞腿。
個意粉嚟到，中伏，冇蠔味、蘑菇味或者牛油味，只有重黑椒味，唔係擺少少响面嗰隻，係撈埋一齊煮嗰隻。問題係我老婆唔食辣。咁啱有個外國人似係廚師行過，我哋同佢講好辣(當然係英文)，佢類似講會煮過，行咗返廚房。
十零分鐘後，戲玉嚟喇，有個自稱負責人走過嚟，聲稱話嚟解決問題，堅持話法國菜一定有黑椒、有黑椒會好食啲、你落單又冇話唔食辣、出嚟食飯唔好勞氣、不如我送甜品俾你。。。究竟解決咗咩問題呢？事實係煮過碟牛油意粉我都收貨，而佢堅持佢哋冇錯。
我都未投訴佢落錯單隻雞髀叫黑松露佢落咗蒜蓉胡椒醬油俾我，當然隻雞髀亦係一隻冇烤過嘅感覺價值$128嘅普通雞髀。I am sorry, everything is so wrong.
見我哋堅嬲，中間嚟check下，我哋有冇食碟意粉。我哋快快脆脆食完叫埋單，碟意粉食咗嗰三隻梅梅地嘅蠔之外冇食過，就算你waive咗碟野都冇咁嬲，佢話offer 9折，我話唔使喇，反正冇下次。
咁嘅市道，weekend得幾枱客都敢用咁嘅service做生意，good luck.
For the Chef, for a French oyster mushroom butter whatsoever pasta, the only thing it has is the taste of black pepper, I feel truly sorry for you.
慢煮廣島蠔蘑菇法國牛油意粉
14 瀏覽
0 讚好
0 留言
落錯單嘅普通雞髀
$128
17 瀏覽
0 讚好
0 留言
張貼
