上海榮華川菜館

營業中

休息中

濃油赤醬在上海餸中最具代表性，同事突然好想吃回鍋肉同鱔糊，但我就覺得太油太濃了，有些想拒絕，但看見她渴望饞嘴的表情，還是從她吧！服務員遞上餐牌，見到有午市二人套餐，價錢貴啲。心想可以唔駛食回鍋肉和鱔糊客飯都好呀！於是落足咀頭哄同事改變初衷，哈！成功！套餐包括一湯兩餸兩飯兩杯八寶茶，就點了酸辣湯、糖醋魚塊、醉雞。以為上海館酸辣湯應有番咁上下水準，而外觀也不錯，嘩！飲落去…酸到呢！牙都軟晒，雖然好大碗，但無能為力繼續喝下去。主菜來了，糖醋魚塊比客飯的size大些，應是例牌份量，糖醋魚塊外貌一般，可是吃起來甜酸度適中，魚塊肉軟，雖仍不離較多油，但話又說回來，無咁多油又煮不出這種味道呢！醉雞約有1/4隻雞，選用的紹興酒酒味不太濃烈，沒有蓋過雞味，雞肉嫩滑，下次可再叫。當差不多吃完時，八寶茶來了，其實點解可以說服同事都係因為想試呢杯茶，單叫要成$25/杯，套餐抵啲。採用一人一茶盅，淨係個賣相都值啦！有紅棗、菊花、果皮、杞子….等，喝下去淡淡甜味，菊花的清香，感覺舒緩了半天工作的壓力，精神為之一振。小貼士：記住八寶茶要早泡些，否則午飯時趕不及嘆茶。