18 Grams (已結業)

行街行到攰，隨意坐低朗豪坊12樓18 Grams飲杯嘢抖抖。作為一間輕食cafe，咖啡選擇約佔餐飲牌中三分二份量，其餘的都係茶類，加少量梳打、果汁。只係選擇咗白桃梳打就俾錢坐低，盛惠$42。原先以為會係一堆白桃糖水加梳打就上枱，點知哥哥仔拎著杯真係見到有白桃果蓉嘅果汁梳打過嚟，當堂加分。一啖入口，果汁味偏淡，但白桃香味十足。又正正因為只飲得到淡淡白桃汁加梳打，唔覺有加糖水，口味清新又消暑，再加分同讚。