影片
更多
2018-09-22
160 瀏覽
今晚去左 APM 食日本麵，係神山麵屋。原本諗住每人一碗麵，望吓餐牌原來都幾多小食，價錢都係三至四十蚊咋，於是叫左幾個來分享。和風蘋果沙律$45蘋果 +青瓜絲爽甜清脆，配合少少火腿、少少沙律菜、少少蟹籽、少少芥末、少少乾果仲有少少粟米薄脆，加上特製的和風沙律醬，結論是十分好味，大大驚喜！無論味道同口感都好有層次，食蘋果沙律得來有魚香味，到底邊個諗到咁樣做沙律架？厲害！唐揚豆池魚$45豆池魚即係池魚仔，池魚係平時用來原條刺身果種，肉質結實鮮美。而家改用池魚仔，大火酒炸到全條都酥脆，連頭連骨都可以成條食。啱啱炸起熱辣辣好好味，好香口。可惜放耐左會開始有D腥，要點檸檬汁同芥末豉油辟下腥味。結論係：襯熱食，咪愛得太遲。神山炸雞$38好味，粉醬夠薄夠脆，表層夠乾爽唔會油淋淋，內裡雞肉嫰滑。配上點點芥末沙律醬，久違的好滋味，係居酒屋的味道。伴碟仲有切得碎碎的生菜絲，清新爽口，同炸野一齊食可以清清D油，絕配。神豚燒沾汁麵$85麵底少少似稻亭烏冬，比較淋滑，且索汁力一流。特製沾汁幾特別，有淡淡的魚介海鮮味道。豚肉是炭火烤的，金黃色非常香口，內𥚃卻又充滿肉汁，火候控制不錯。難怪係主流豚骨拉麵以外的麵食首
和風蘋果沙律$45
蘋果 +青瓜絲爽甜清脆，配合少少火腿、少少沙律菜、少少蟹籽、少少芥末、少少乾果仲有少少粟米薄脆，加上特製的和風沙律醬，結論是十分好味，大大驚喜！
無論味道同口感都好有層次，食蘋果沙律得來有魚香味，到底邊個諗到咁樣做沙律架？厲害！
和風蘋果沙律
20 瀏覽
0 讚好
0 留言
唐揚豆池魚$45
豆池魚即係池魚仔，池魚係平時用來原條刺身果種，肉質結實鮮美。而家改用池魚仔，大火酒炸到全條都酥脆，連頭連骨都可以成條食。啱啱炸起熱辣辣好好味，好香口。可惜放耐左會開始有D腥，要點檸檬汁同芥末豉油辟下腥味。
結論係：襯熱食，咪愛得太遲。
神山炸雞$38
好味，粉醬夠薄夠脆，表層夠乾爽唔會油淋淋，內裡雞肉嫰滑。配上點點芥末沙律醬，久違的好滋味，係居酒屋的味道。
伴碟仲有切得碎碎的生菜絲，清新爽口，同炸野一齊食可以清清D油，絕配。
神山炸雞
38 瀏覽
0 讚好
0 留言
神豚燒沾汁麵$85
麵底少少似稻亭烏冬，比較淋滑，且索汁力一流。特製沾汁幾特別，有淡淡的魚介海鮮味道。豚肉是炭火烤的，金黃色非常香口，內𥚃卻又充滿肉汁，火候控制不錯。難怪係主流豚骨拉麵以外的麵食首選。
神豚燒沾汁麵
13 瀏覽
0 讚好
0 留言
黑神山豚肉片拉麵$78
豚骨拉麵可以選擇白神山 （即豚骨湯底）、赤神山（即辛味豚骨湯底）、黑神山 （即黑蒜豚骨湯底），最後我揀左黑神山，無他的，皆因見到menu 也 show 左一碗純黑的湯底，型呀⋯⋯
黑蒜味濃，上枱已經聞到濃濃香味。拉麵清爽彈牙又掛湯。豚肉係白水煮的，肉質爽口不油膩，亦沒有加任何多餘調味。配上濃郁的黑蒜湯底，口感細膩。
黑神山豚肉片拉麵
17 瀏覽
0 讚好
0 留言
還有隻溫泉蛋，外表似滷水蛋，蛋白煙煙韌韌，內裡蛋黃極流心，一隻蛋就有兩種食感，好香好滑好滋味。
菠蘿特飲$15
什果特飲$15
兩杯特飮都係一般，口味偏淡。但非常抵飲，平過茶餐廳價錢。
上菜快，待應個個做事快手又乾淨俐落，讚！
食左咁多嘢，埋單都係三百幾，好抵。
張貼
