職人食事 (石水渠街)

營業中

休息中

開完會時間已經唔早回家煮唔到飯，所以決定買外賣回家食，同事介紹沿藍屋一直行上去，有一間超級抵食嘅日本餐廳小店，我即管行上去搵吓，喺門口已見到$70有一盒刺身飯連麵豉湯，咁抵諗都唔使諗，今晚一於食佢。Dinner set刺身飯份量一啲都唔細，一整盒超多飯，三文魚吞拿魚蓉飯，吞拿魚蓉份量好多，味道鮮甜。三文魚赤蝦飯，三隻大大赤蝦，超級肥美，蝦頭仲要充滿蝦膏，超級驚喜非常好食。三文魚帶子飯，帶子都係好大隻。另外再叫多咗一盒10件壽司，有生有熟，生嘅油甘魚，尤其好味，肥美而且充滿油脂，熟嘅有鰻魚同埋蟹子壽司等等，俾小朋友食就啱晒。熟食仲點多咗盒牛肉生薑飯俾小朋友，好大盒份量非常足，三文魚鮫小朋友最愛外皮煎到好香脆，魚肉點汁一齊食，又係送飯一流。總括餐廳真係性價比高，今時今日$70只可以食茶餐廳，但呢度竟然可以食到日式魚生飯，真係要多謝同事介紹。