元祖沾麵專門店

營業中

休息中

終於都試倒呢間好popular嘅拉麵面，每次經過厚福街都見倒佢好多人等位，今次竟然好幸運地等倒。 極上芝士蟹皇沾麵呢個沾麵真係我食過嘅拉麵入面最足料嘅一款，唔止係沾麵入面有好多粒帶子同豬肉，拉麵本身都有4塊豚肉，再加埋蟹蓋入面滿滿芝士、蟹肉同蟹膏。 沾麵湯底係龍蝦湯，好濃厚嘅湯底喺石鍋入面加熱之後，就更濃更入味，好讚! 食左一陣之後，因為石鍋嘅熱力，令到濃底變得更濃，餐廳就offer免費加湯，仲可以選擇4種湯底，加左最淡味嘅魚介湯落龍蝦湯之後，湯底仍然充滿鮮味。另一種食法係將拉麵放入蟹蓋，撈埋蟹膏同芝士一齊食，濃厚嘅蟹膏同拉麵出奇地好夾，仲令到蟹蓋嘅口感更有層次。