Marco Bistro (已結業)

$340~(連加一再比埋Tips,兩人分)竟然可以食到法國菜,仲要係兩個dishes(蜆肉扁麵& 芥末蜜汁豬扒)、一個snack(loaded potato skin)、兩個deserts(both r pyramid chocolate) & 兩杯o野飲(果汁),實在係抵抵!!當中最滿意o既就係芥末蜜汁豬扒,豬扒厚度適中有肉汁唔會乾,而個神"緒"就o係個sauce度,佢o地選用o左一種叫做種子芥辣再加入其他香料和蜜糖混合而成,味道相當特別又創新!!另外招牌desert,pyramid chocolate~三角金子塔立體造型,所有介面和底部都係餅底,而內裏就係香濃幼滑o既chocolate mousse,食完感覺好滿足!!講o左咁耐其實戲肉唔係o係d o野食度,而係o係阿老細Marco度..事源小妹份人一講到食就每事問,而d waitress姐姐雖然好樂意解答,但始終係一知半解,所以最後係出動o左阿老細Marco!!佢勁nice 咁教o左我讀幾個意大利文,仲一齊傾o左一陣計,最後臨走仲握握手大家自我介紹o下& say goodbye tim!!