ThreeSixty

營業中

休息中

黎到Elements本來想正正經經搵D野食，但由於太趕時間，所以都係求其搵D野食算。經過THREE SIXTY見到佢有D日式既午餐定食等，所以就決定坐低食啦。食之前要先買票，不過D服務生好有禮貌。坐位麻麻地舒服，不過揀得係呢度食就應該預左架啦。兩個人叫左個大宮牛肉定食+一個日式滑蛋豬扒飯。等左大概 5 分鐘多D就有得食啦，非常之快手。先來是日式滑蛋豬扒飯，真係唔難食亦都稱唔上好食，佢D蛋都OK既，雖然有D係熟左少少，但有部份都係好滑多蛋汁。算係唔錯，反而我覺得係佢個飯D汁太多，搞到D飯好鬼淋同埋鹹左少少。豬扒唔乾身，不過非常之淋，無咩口感，唔似食緊豬扒咁，而且都係鹹左少少。另外個大宮牛肉定食，有沙律同麵豉湯，沙律份量細，而且無咩味可言，不過食咁多肉有D菜清新下都好。牛肉反而好過豬扒，唔算係好靚既肥牛但都有肉味，而且唔多肥膏。不過都係個個問題，個汁味道太濃，有少少過鹹。總括黎講佢又真係稱唔上好難食，如果係趕時間既話都算係一個可以接受既選擇。