影片
更多
2016-09-07
219 瀏覽
經朋友推介，去左呢間螢壽司，聽講價錢唔貴之餘味道都幾好。7點黎到，店内地方不算太大，所以都幾乎坐滿。而且店内既裝修好日本風，有日式居酒屋感覺。一坐低第一時間睇下menu有咩食，見到呢排周年慶，所以原板海膽刺身（$58）可以以半價就食到，即係$58, 加$10仲有碗冬菇飯添，認真抵食。海膽入口尚算creamy，不過新鮮度一般，無應有既鮮甜味道。不過好彩唔會話好腥，呢個價錢黎講都接受到。另外點左一個辣汁三文魚小卷（$68）。呢個卷物味道中規中矩，辣汁其實就係平時食芝麻八爪魚果隻汁，食落僅微辣。不過始終呢個醬汁都較爲濃味，所以有少少蓋過左三文魚既味道。四色鍋巴（$88），賣相夠曬吸引。鍋巴上各有四款不同既刺身，分別係鮑魚，吞拿魚蓉，海膽帆立貝，飛魚子三文魚蓉鍋巴香脆可口，配魚生一齊食口感夠曬特別, 不過如果中間加少少醬汁如沙律醬，味道可能會更好。全餐最令人滿意既一款串燒- 鹽燒厚切牛舌（$48）。牛舌果然非常厚切，而且非常爽口彈牙，加埋檸檬汁更可以去除油膩既感覺，味道好好。另一款串燒- 鹽燒手羽（$22)燒得幾好，外脆内嫩，又能夠保持肉汁。美中不足就係有少少咸左d。大蝦天婦羅($48）呢個就
7點黎到，店内地方不算太大，所以都幾乎坐滿。
而且店内既裝修好日本風，有日式居酒屋感覺。
一坐低第一時間睇下menu有咩食，見到呢排周年慶，所以原板海膽刺身（$58）可以以半價就食到，
即係$58, 加$10仲有碗冬菇飯添，認真抵食。
海膽入口尚算creamy，不過新鮮度一般，無應有既鮮甜味道。
不過好彩唔會話好腥，呢個價錢黎講都接受到。
另外點左一個辣汁三文魚小卷（$68）。呢個卷物味道中規中矩，
辣汁其實就係平時食芝麻八爪魚果隻汁，食落僅微辣。
不過始終呢個醬汁都較爲濃味，所以有少少蓋過左三文魚既味道。
四色鍋巴（$88），賣相夠曬吸引。鍋巴上各有四款不同既刺身，分別係鮑魚，吞拿魚蓉，海膽帆立貝，飛魚子三文魚蓉
鍋巴香脆可口，配魚生一齊食口感夠曬特別, 不過如果中間加少少醬汁如沙律醬，味道可能會更好。
全餐最令人滿意既一款串燒- 鹽燒厚切牛舌（$48）。牛舌果然非常厚切，而且非常爽口彈牙，加埋檸檬汁更可以去除油膩既感覺，味道好好。
另一款串燒- 鹽燒手羽（$22)燒得幾好，外脆内嫩，又能夠保持肉汁。美中不足就係有少少咸左d。
大蝦天婦羅($48）呢個就有少少失望，因爲炸粉的確偏厚，感覺真係好飽濟。
最後點左一個飯，櫻花蝦海老炒飯（$98）味道幾好，飯粒分明，炒得乾身，而且櫻花蝦分量相當慷慨，整個炒飯蝦鮮味非常突出。
炒飯上更有兩隻啖啖肉既大蝦添，夠曬飽肚。
整體黎講雖然味道未算驚喜，但勝在價錢夠經濟實惠，都可以一試。
張貼
