金鶴拉麵 (荷李活道) (已結業)

黎開中環想食拉麵，結果都係返左黎金鶴拉麵，好多區都有分店，我最鍾意都係中環店，除咗野好食外，服務好好，拉麵師傅仲會同我傾下計推薦下野食❣️好似真係日本既拉麵店咁，令我感覺良好🫶🏻拉麵、串燒、小食等都相當吸引🤩依家仲有套餐，小店舒服，飲住大大杯麒麟一番榨生啤，超爽，慢慢揀野食😇次次都食佢唔同既期間限定，今次就食返金鶴元祖級鎮店之寶 —— 極濃 · 雞白湯拉麵🐔 上枱個賣相超豐富，用原隻雞烹煮8小時以上既濃厚雞白湯，啲湯係睇得出既濃🤤即刻飲啖湯，哇一聲，超濃厚身，入口好綿，唔會好咸，好濃雞味，真心正💟配埋拉麵，偏幼而掛湯一流，好夾個湯底，食唔停🍜個湯會將所有配菜都大提升✨叉燒肥瘦適中好好味，除左叉燒仲有慢煮食胸，唔肥膩但超嫩既肉質，幾好味，配左雞湯簡直癲，好好味😋健康都可以好味，仲有即炸牛蒡，除咗令賣相特別啲，亦令雞湯拉麵多一份惹味，更多一層次既美味🫠拉麵師傅極力推介下都係叫左生蠔黃金燒，雖然已經食過依個期間限定，但真係好彩有叫🤩好大隻既瀨户內海生蠔，好新鮮，仲要係係生燒😳蠔味好濃又大隻，蠔控真係必食🫶🏻如果未食過依度既極濃雞白湯，真心要試下 ，一試難忘🥹仲可以外賣，某啲app好似仲有折扣❤️