影片
更多
2010-04-24
18 瀏覽
見小肥羊有斷人頭計既全包下午茶諗住打鞭爐有番咁上下呢個下午茶應該都唔會難食得去邊點知係大錯特錯!!!! 難食到喊=(一去到上左三樓食野, 就見到門口有一排自助既「美食」點心拎左上海粗抄, 蘿蔔糕, 奶皇包同醱菜等等既點心然後就發現係錯誤=_=全部野食都又凍又難食, 個上海粗抄仲要係硬到癲奶皇包又硬味道又怪, 由過份都係蘿蔔糕, 好削好難食不過醱菜係可以放入口的。然後點左一堆點心,,,叉燒腸: OK的, 不過唔好expect佢有好多叉燒, 當係食布拉腸粉既話都OK。有個上面放左粉絲的點心(唔記得佢個名): 粉絲好乾, 無味, 仲要有D硬。茄子: 個樣有種油浸既感覺, 不過唔知味道如何, 因為我無試過。仲有鮮竹卷, 雞包仔, 蝦餃, 燒賣, 牛肉球等等都係麻麻, 有種可以更好既感覺。最有趣既係有位阿姐走埋黎問我地要唔要菜芯然後我地話唔洗佢就話: 唔要咪唔要lor....(佢唔係好惡架, 只係自己同自己講, 唔小心大聲左D比我地聽到)好可愛既阿姐=]整體環境同平日其他既茶樓無分別不過味道有好大差距如果係只要食飽就得既話可以去食下fixed左一個人$49.5唔算貴, 不過如果唔係食自助餐形式既
諗住打鞭爐有番咁上下呢個下午茶應該都唔會難食得去邊
點知係大錯特錯!!!!
難食到喊=(
一去到上左三樓食野, 就見到門口有一排自助既「美食」點心
拎左上海粗抄, 蘿蔔糕, 奶皇包同醱菜等等既點心
然後就發現係錯誤=_=
全部野食都又凍又難食, 個上海粗抄仲要係硬到癲
奶皇包又硬味道又怪, 由過份都係蘿蔔糕, 好削好難食
不過醱菜係可以放入口的。
然後點左一堆點心,,,
叉燒腸: OK的, 不過唔好expect佢有好多叉燒, 當係食布拉腸粉既話都OK。
有個上面放左粉絲的點心(唔記得佢個名): 粉絲好乾, 無味, 仲要有D硬。
茄子: 個樣有種油浸既感覺, 不過唔知味道如何, 因為我無試過。
仲有鮮竹卷, 雞包仔, 蝦餃, 燒賣, 牛肉球等等都係麻麻, 有種可以更好既感覺。
最有趣既係有位阿姐走埋黎問我地要唔要菜芯
然後我地話唔洗
佢就話: 唔要咪唔要lor....(佢唔係好惡架, 只係自己同自己講, 唔小心大聲左D比我地聽到)
好可愛既阿姐=]
整體環境同平日其他既茶樓無分別
不過味道有好大差距
如果係只要食飽就得既話可以去食下
fixed左一個人$49.5唔算貴,
不過如果唔係食自助餐形式既話佢既食物就唔值了。
我應該唔會再去了。健議大家比多$10去食好少少既點心好過。
張貼
