淥鼎記

營業中

休息中

今日見天氣涼左少少想打下邊爐，就決定試下尼間朋友推介位於觀塘既淥鼎記試下，一入門口見到餐廳既裝修好雅緻，門口仲有舞獅既公仔，好有過年氣氛。我地今日點了老壇酸菜魚仲有錦繡拼盤，先食餸再打邊爐，老壇酸菜魚味道幾好,份量亦都好足，酸菜味濃郁香甜，魚肉夠大片而且無腥味，最特別係有花生芽，不單營養豐富而且味道爽甜，非常開胃。錦繡前菜拼盤由四款小食組成包括泰式鳳爪，牛肚絲，木耳同香腸。食完前菜我地就開始打邊爐，我地點了花膠美人鍋，湯底都幾好，仲有好多片花膠，這裏的牛肉同豬肉都偏向厚身點，唔會好薄，食落口感幾好，肉味亦較濃。打邊爐丸類亦很多選擇，比出面任食既店舖更多，好似金不奐豬肉丸出面都好少見。飲品方面這裏除左有汽水，罐裝蘆薈汁果啲之外，亦都有自家制既茶飲同竹蔗茅根作為打邊爐降火幾貼心。這間餐廳打邊爐出品都幾好，款式多樣化，值得一試。