影片
更多
2018-01-18
498 瀏覽
年尾清假， 去紅磡搵老公食飯。巴士經過呢間煎餅舖 ，上網好多人話好味，又見今日冇人排隊 ，所以想試下！叫咗一個北京填鴨烤餅加油炸鬼， 另一個麻辣雞絲煎餅加蛋。 一個都要成三十幾蚊， 其實都幾貴， 所以都冇嗌嘢飲 …玻璃窗外睇住佢煎餅 ，好得意！先整麻辣雞絲餅， 先加蛋， 再加配料， 本身都仲好興奮 ，點知去到尾段 ，佢瘋狂加芫茜 ，嚇到我哋兩個傻咗…老公即刻衝入去， 同佢講另一個北京填鴨烤餅， 唔好加芫茜！ 點知佢話北京填鴨烤餅 係冇芫茜嘅… 整好要拎走食， 因為冇得堂食 ，我哋去咗 紅磡嗰間酒店隔離個food court， 坐低慢慢食！北京填鴨烤餅好好味， 有少少青瓜，又有填鴨嗰個烤肉醬， 有埋油炸鬼 ，夠飽肚！但係個麻辣雞絲烤餅 ，就麻麻地，因為我真係好驚食芫茜，同埋啲雞絲都好鞋， 麻辣又唔夠辣…
巴士經過呢間煎餅舖 ，上網好多人話好味，又見今日冇人排隊 ，所以想試下！
叫咗一個北京填鴨烤餅加油炸鬼， 另一個麻辣雞絲煎餅加蛋。
一個都要成三十幾蚊， 其實都幾貴， 所以都冇嗌嘢飲 …
玻璃窗外睇住佢煎餅 ，好得意！
先整麻辣雞絲餅， 先加蛋， 再加配料， 本身都仲好興奮 ，點知去到尾段 ，佢瘋狂加芫茜 ，嚇到我哋兩個傻咗…
老公即刻衝入去， 同佢講另一個北京填鴨烤餅， 唔好加芫茜！ 點知佢話北京填鴨烤餅 係冇芫茜嘅…
整好要拎走食， 因為冇得堂食 ，我哋去咗 紅磡嗰間酒店隔離個food court， 坐低慢慢食！
北京填鴨烤餅好好味， 有少少青瓜，又有填鴨嗰個烤肉醬， 有埋油炸鬼 ，夠飽肚！
但係個麻辣雞絲烤餅 ，就麻麻地，因為我真係好驚食芫茜，同埋啲雞絲都好鞋， 麻辣又唔夠辣…
張貼
