影片
更多
2023-05-12
112 瀏覽
銅鑼灣好多不同菜式嘅餐廳，上樓和商廈嘅餐廳都唔少，今日就揀咗呢間北京風味嘅餐廳。銅鍋涮寧夏灘羊/雪花肥牛第一次響香港食咁傳統的特色北京涮鍋。同台式港式火鍋不同，個湯底好清，有啲薑片，大蔥，蝦米，杞子同埋紅棗。火鍋醬料係麻醬，可以再按自己喜好加入芹菜芫荽粒，腐乳醬，韭菜花醬同埋辣椒油。羊肉同牛肉博博一片，放入鍋裏涮兩至三下就食得，羊肉鮮嫩，肥瘦適中。牛肉色澤鮮亮，肉味香。肉片沾上自己調味的麻醬，好香。小籠包一籠6個，外觀都可以，入口唔錯，夠熱，餡料份量大，湯汁鮮味，我地兩個好快食哂。大蔥豬肉餡餅專登點黎懷緬下以前去北京旅行下午茶食，呢度做得都唔錯，外皮烘得金黃色，少少焦脆，皮唔算厚，餡料方面，豬肉同蔥比例分配得平均，好juicy, 味道香口且濃郁。老北京炒飯簡單的醬油葱花蛋炒飯，但味道一點都不普通，特別的香，果然係less is more。高力豆沙中式甜品都算係我最鍾意既一款，都冇令我失望，上枱即食，d砂糖咬入口，少少脆，蛋白外層食落好鬆軟，入面豆沙綿密，甜度剛好，做得唔錯既甜品。呢間小店算係做得唔錯，食落都好有老北京既味道，我們兩個人因為怕食唔晒無點到烤鴨，不過我見第二枱點咗，賣相都好
銅鍋涮寧夏灘羊/雪花肥牛
第一次響香港食咁傳統的特色北京涮鍋。同台式港式火鍋不同，個湯底好清，有啲薑片，大蔥，蝦米，杞子同埋紅棗。火鍋醬料係麻醬，可以再按自己喜好加入芹菜芫荽粒，腐乳醬，韭菜花醬同埋辣椒油。羊肉同牛肉博博一片，放入鍋裏涮兩至三下就食得，羊肉鮮嫩，肥瘦適中。牛肉色澤鮮亮，肉味香。肉片沾上自己調味的麻醬，好香。
小籠包
一籠6個，外觀都可以，入口唔錯，夠熱，餡料份量大，湯汁鮮味，我地兩個好快食哂。
大蔥豬肉餡餅
專登點黎懷緬下以前去北京旅行下午茶食，呢度做得都唔錯，外皮烘得金黃色，少少焦脆，皮唔算厚，餡料方面，豬肉同蔥比例分配得平均，好juicy, 味道香口且濃郁。
老北京炒飯
簡單的醬油葱花蛋炒飯，但味道一點都不普通，特別的香，果然係less is more。
高力豆沙
中式甜品都算係我最鍾意既一款，都冇令我失望，上枱即食，d砂糖咬入口，少少脆，蛋白外層食落好鬆軟，入面豆沙綿密，甜度剛好，做得唔錯既甜品。
呢間小店算係做得唔錯，食落都好有老北京既味道，我們兩個人因為怕食唔晒無點到烤鴨，不過我見第二枱點咗，賣相都好吸引，下次可以同多啲朋友試吓。
張貼
