北冰洋

營業中

休息中

餐廳：北冰洋地點：上環永樂街58號地舖菜式：午餐兩餸飯$36，可加$3加飲品熱辣辣餸菜大概有20款揀，有素菜有炸肉等等咕嚕豬扒個汁非常開胃，而豬扒啖啖肉，好多肉食，切好一段段方便食用，伴有洋蔥片同菠蘿。魚香茄子既茄子吸嗮油好邪惡，非常滑，伴有好多肉碎，仲有辣椒，餸飯一流。豉汁倉魚 加$15豉汁倉魚有成大條咁多，唔怪得要加錢，都抵呀。魚肉鮮美，凍左都仲好好食。糖醋骨糖醋骨份量超多，個汁調得好，好開胃，而骨整得好淋，連骨頭都可以咬，呢個餸凍左都好食。白飯分開用細膠盒裝，好方便，份量好多。樽仔百香果蜜 加$3樽仔百香果蜜清甜帶淡淡熱情果味，仲飲到熱情果籽，唔會過甜，感覺健康。樽仔無糖蜂蜜鮮檸檬水 加$3無糖蜂蜜鮮檸檬水都係微甜，帶微微檸檬味，無添加防腐劑，解渴之餘感覺健康。店員快手畢餸，份量多，包裝乾淨衛生，中上環呢個價錢好抵。