一焼肉

營業中

休息中

原來上水廣場開咗間燒肉店🍢,不過因為喺角落,所以無留意到👀~間店有幾款套餐,仲有唔少單點嘅肉類同蔬菜可選👍~呢個極上蟹味噌甲羅燒套餐真好正!除咗有甲羅燒🦀,仲有A4和牛肩肉🐮,油脂分佈靚,食落又香又綿~另外仲有厚切牛舌👅,啖啖肉勁juicy~精選牛三食嘅肉就無咁靚油花,相對肉會無咁滑,但就比較香牛肉味😋~呢個餐都有牛舌,但就薄切嘅,我個人覺得薄切嘅比較好食👍~而牛五花油脂都多,食起嚟好香~呢兩個餐都會跟前菜同埋飯🍚,我哋加9蚊轉咗紫菜飯,勁香😋~另外點咗呢個澳洲M5和牛內裙邊,非常大塊!佢仲有好多串燒可以選🍡~我哋自己燒翠玉瓜唔太掂...反而點串燒呢種就好食好多,上面仲有郁郁木魚碎~而呢個香葱豚肉腩卷都唔錯🐷~好多葱,又香又脆,而且幾抵食~另外仲點咗日本二節翅🐔~翼尖燒到脆卜卜,雞翼嘅肉就比較嫩~呢個砂肝串其實係雞腎,本來仲以為係雞膶~唔會燒得太乾,食落好爽口😍~總括而言,呢度嘅燒肉種類都幾多選擇~個人最鍾意有甲羅燒嘅套餐👍👍,款款肉都好好食~而蔬菜類嘅嘢就叫串燒比較好,自己燒好易燶😂~