影片
更多
2019-06-25
80 瀏覽
本身想食呢一間jpot好耐㗎喇，今日終於約齊朋友去食番餐。 已經預先打電話去book位，指定問佢有冇北海道毛蟹湯。上網睇覺得呢一個湯底好正，非試不可！ 一嚟到有地下上到去一樓店舖，環境覺得好特別， 有啲覺得約咗酒吧嘅感覺！入多嚟舖頭裏面，環境舒適空間感大，座位非常寬敞。 用餐當日人流不算多，感覺上每一張枱都有一位服務員服務我們，服務頂級一流。服務員會介紹每一道菜式及幫助我們煮食。我同朋友一開始點咗小食，比較特別啲係和牛響鈴同埋鵪鶉腿。和牛響鈴真係第一次食， 用腐皮包住成塊和牛炸香，一啲都冇油益味，仲食得到陣陣嘅牛香。至於鵪鶉腿， 好似有啲輕量版嘅生炸雞髀，配大蒜米醋汁，開胃！食完小食之後就到火鍋，終於有我最期待嘅北海道毛蟹湯底。店員首先建議我們先飲湯底，一飲一啖，鮮味十足，有一點帶鹹。 店員跟我們說沒有落味精的，鹹味屬於毛蟹本身的海水味。我自己本身就鍾意呢一種味道， 但基本上將毛蟹淨係用嚟煲湯，冇乜肉， 所以唔使食佢。之後嚟咗幾款肉類，包括西班牙豚肉，鹿兒島雞肉， 同埋和牛拼盤。西班牙豚肉幾好食，但我覺得鹿兒島雞肉就麻麻地，不過朋友好鍾意，啲雞肉唔肥。跟住到主角嘅和牛拼盤， 簡直一流，
入多嚟舖頭裏面，環境舒適空間感大，座位非常寬敞。 用餐當日人流不算多，感覺上每一張枱都有一位服務員服務我們，服務頂級一流。服務員會介紹每一道菜式及幫助我們煮食。
我同朋友一開始點咗小食，比較特別啲係和牛響鈴同埋鵪鶉腿。和牛響鈴真係第一次食， 用腐皮包住成塊和牛炸香，一啲都冇油益味，仲食得到陣陣嘅牛香。
至於鵪鶉腿， 好似有啲輕量版嘅生炸雞髀，配大蒜米醋汁，開胃！
食完小食之後就到火鍋，終於有我最期待嘅北海道毛蟹湯底。店員首先建議我們先飲湯底，一飲一啖，鮮味十足，有一點帶鹹。 店員跟我們說沒有落味精的，鹹味屬於毛蟹本身的海水味。我自己本身就鍾意呢一種味道， 但基本上將毛蟹淨係用嚟煲湯，冇乜肉， 所以唔使食佢。
之後嚟咗幾款肉類，包括西班牙豚肉，鹿兒島雞肉， 同埋和牛拼盤。西班牙豚肉幾好食，但我覺得鹿兒島雞肉就麻麻地，不過朋友好鍾意，啲雞肉唔肥。
跟住到主角嘅和牛拼盤， 簡直一流，店員建議由瘦開始食到肥。雖然有好多部位我也分不清。喜歡吃和牛的朋友一定要食！
至於海鮮我就不用多提了，最緊要新鮮的也能做到，上菜時也清潔得很乾淨。
總括來說食物質素十分不錯，店員的服務態度也是超班的。室內環境裝修非常舒適！ 至於價錢也算是合理。人均大約五百元。
張貼
