坂奈 (已結業)

星期四早收工，就約個朋友去CWB食日本野，好難得我fd係中意食魚既(有好多fd都怕腥or怕骨)😶，就決定試下喱間，上網話烤魚出名。裏面係長型bar枱咁，大概坐到十個人，好彩早黎唔洗等位。新鮮既魚微微灑啲鹽去烤，啲甜味就會自然出來。原條kinki，聽講喱隻魚產量少所以特別貴，加上佢產於北海道，係香港可以食到真係好happy。雖然係bb，但啲肉又多又肥美，一夾起啲肉就見到油脂含量好高，再沾落啲有白蘿蔔泥既鼓油，易入口又鮮甜。之前係日本居酒屋都會點螢光魷魚🦑好中意一咬啲汁bi出黎果下，有啲爽脆感，每條都醃過所以都幾鹹下，配埋白飯岩晒。北海道花魚一夜干，外皮焦香，肉質結實啖啖肉唔怕會食到魚刺，鹹味油質都岩岩好。好推介雞泡魚干片片都好厚身，味道鹹鹹的，所以沾啲沙律醬食balance翻。表面沾滿了芝麻，上枱時熱辣辣，啲皮好酥脆，唔會話炸到皮肉分離，鹹度適中。