影片
更多
2024-12-21
341 瀏覽
朋友好鍾意食鐵板燒，佢話聽人講呢一間鐵板燒都幾唔錯，價錢都算係經濟實惠，於是大家就試一試，而整體菜式都令人滿意，擺盤完全唔敷衍，而某啲菜式嘅醬汁都令到我覺得幾回味。‣ 商務鐵板一人前 $788· 先付沙律菜配酸醋汁，都確實係開胃嘅好幫手。· 菊志の茶碗蒸茶碗蒸入邊擺咗一啲松葉蟹肉，蒸蛋本身都相當滑溜，鮮味十足。· 高知炙烤鰹魚鰹魚嘅處理我都好滿意，豆乳醬作伴再加上黑蒜油醋，肉質相當之細嫩幼滑，放入口嘅時候極之滿足，而豆乳醬都令到個口感更加豐厚。· 幸の海洋二品帆立貝嘅配汁別出心裁，綠色嘅係枝豆汁；另一邊就係白貝柱汁，而帆立貝煎得啱啱好，生熟度控制得好好，食得出帆立貝本身嘅鮮味。而另一道菜就係清酒煮蜆，啲蜆相當新鮮，而且帶有濃郁嘅海鮮風味，每一隻啲肉質都相當飽滿，仲充滿住牛油香味，令人相當之讚嘆。· 虎蝦虎蝦旁邊嘅係法式龍蝦汁，如果想食到蝦本身嘅鮮甜味，就咁食就可以。法式龍蝦汁味道相當之濃郁，鍾意比較重口味嘅話，絕對推薦搭配法式龍蝦汁一齊食，啖啖肉之餘仲有龍蝦嘅香味爆出嚟。· 鐵板香煎鵝肝鵝肝咬落去相當之嫩滑香口，但係我自己幾鍾意佢係搭配焦糖蘋果，鵝肝搭配酸甜嘅嘢絕對係冇得輸，而鵝肝嘅份
‣ 商務鐵板一人前 $788
· 先付
沙律菜配酸醋汁，都確實係開胃嘅好幫手。
· 菊志の茶碗蒸
茶碗蒸入邊擺咗一啲松葉蟹肉，蒸蛋本身都相當滑溜，鮮味十足。
· 高知炙烤鰹魚
鰹魚嘅處理我都好滿意，豆乳醬作伴再加上黑蒜油醋，肉質相當之細嫩幼滑，放入口嘅時候極之滿足，而豆乳醬都令到個口感更加豐厚。
· 幸の海洋二品
帆立貝嘅配汁別出心裁，綠色嘅係枝豆汁；另一邊就係白貝柱汁，而帆立貝煎得啱啱好，生熟度控制得好好，食得出帆立貝本身嘅鮮味。而另一道菜就係清酒煮蜆，啲蜆相當新鮮，而且帶有濃郁嘅海鮮風味，每一隻啲肉質都相當飽滿，仲充滿住牛油香味，令人相當之讚嘆。
· 虎蝦
虎蝦旁邊嘅係法式龍蝦汁，如果想食到蝦本身嘅鮮甜味，就咁食就可以。法式龍蝦汁味道相當之濃郁，鍾意比較重口味嘅話，絕對推薦搭配法式龍蝦汁一齊食，啖啖肉之餘仲有龍蝦嘅香味爆出嚟。
· 鐵板香煎鵝肝
鵝肝咬落去相當之嫩滑香口，但係我自己幾鍾意佢係搭配焦糖蘋果，鵝肝搭配酸甜嘅嘢絕對係冇得輸，而鵝肝嘅份量絕對唔細，咬落去嘅時候真係滿滿嘅幸福感。
· 和牛薄燒 ＆ 京の野菜
師傅問我哋要幾成熟，咁我就答佢五成熟，睇住師傅手勢燒得啱啱好。旁邊嘅係茄子慕絲，大啡菇以及翠玉瓜。而和牛肉片包裹住香蒜同埋蔥，所以咬落去嘅時候口感十足，嫩滑脆口不停交纏，加埋牛肉本身嘅香，鐵板燒就食呢啲。
· 菊志炒飯
炒飯本身就有一啲櫻花蝦乾增添碗飯嘅口感，而且上面仲有少少黑松露，令到個炒飯更加香。每粒飯都炒得粒粒分明，就算食到呢到覺得有啲飽飽地，都係會忍唔住清晒成兜飯。而旁邊都仲有漬物蕎頭，酸酸地易入口。
· 湯品
食到差唔多麵豉湯就送到上嚟，暖胃之餘都為呢一餐做一個收尾。
· 甜品
甜品係豆腐雪葩，我自己就好鍾意呢個甜品，覺得係令到個口腔清新咗之餘，帶住豆香嘅餘韻離開真係好滿足。
張貼
