影片
更多
2022-04-29
269 瀏覽
Pause It 北角停一停🤣🤣今日有機會去左北角嘅Pause It 試下，好在食飯時間可以搵到位。佢有好多野食選擇，碟碟都大份，夠哂飽。雖然好想叫佢嘅薯條，但唯有下次再試啦！今次叫左個全日早餐🍳🥓同一個蒜片辣椒蟹肉蟹籽天使麵🍝🦀全日早餐佢都有基本野，炒蛋，煙肉，腸仔，蘑菇，蕃茄同茄汁豆。佢嘅炒蛋炒得好嫩好滑，唔會太熟。不過我覺得佢嘅腸仔口感有少少淋唔夠結實，其他都唔錯嘅！至於個天使麵，都有好多蟹肉，如果蟹籽多d就好啦！天使麵硬度度掌握得相當好！唔會太淋！因為天使麵已經好幼，煮到好淋嘅話意粉會扭埋一齊，口感就會無咁好了！雖然佢話辣，但都唔會好辣。反而覺得佢蒜片唔太夠令到蒜味唔太出。要特別讚嘅係佢杯咖啡拉花好靚，攪到我都唔捨得飲呀🥺🥺芝麻latte 奶味夠，芝麻味剛好，配埋咁精美嘅拉花，大大加分呀！但整體而言，係好味嘅！同埋餐廳環境好舒服！下次要再黎食個薯條😋🍟
今日有機會去左北角嘅Pause It 試下，好在食飯時間可以搵到位。
佢有好多野食選擇，碟碟都大份，夠哂飽。雖然好想叫佢嘅薯條，但唯有下次再試啦！
今次叫左個全日早餐🍳🥓同一個蒜片辣椒蟹肉蟹籽天使麵🍝🦀
全日早餐佢都有基本野，炒蛋，煙肉，腸仔，蘑菇，蕃茄同茄汁豆。佢嘅炒蛋炒得好嫩好滑，唔會太熟。不過我覺得佢嘅腸仔口感有少少淋唔夠結實，其他都唔錯嘅！
至於個天使麵，都有好多蟹肉，如果蟹籽多d就好啦！天使麵硬度度掌握得相當好！唔會太淋！因為天使麵已經好幼，煮到好淋嘅話意粉會扭埋一齊，口感就會無咁好了！雖然佢話辣，但都唔會好辣。反而覺得佢蒜片唔太夠令到蒜味唔太出。
要特別讚嘅係佢杯咖啡拉花好靚，攪到我都唔捨得飲呀🥺🥺芝麻latte 奶味夠，芝麻味剛好，配埋咁精美嘅拉花，大大加分呀！
但整體而言，係好味嘅！同埋餐廳環境好舒服！下次要再黎食個薯條😋🍟
張貼
