影片
更多
2022-11-26
67 瀏覽
今日約咗好姊妹行街，行經北角諗住醫吓肚，見到間Lunch Set有得食鐵板燒，價錢又幾抵喎，一於入去試試先！呢間Sticks & Fire，店內環境企理，坐位就唔算多，見到都有客人嗌緊外賣。而店員比我感覺好友善呀！仲推介咗佢哋餐廳有咩必食嘅Menu。見價錢幾抵，我哋都好唔客氣咁嗌咗4樣嘢食 （份量係好多，不過我哋今日真係好肚餓！）1. 白汁煙三文魚意粉 ＄98Size適中，三文魚唔算太咸剛剛好。幾得意係個白汁味偏甜，但係食落件事又幾夾、幾開胃，而且都整得幾入味。我哋好快已經清晒成碟！2. 鐵板霹靂霹靂烤雞 半隻 配意粉 $68大家都知而家去街市買隻雞都幾貴吓，所以本身期望不大。一上菜，見到半隻雞都咁大大隻，有驚喜喎！我Friend都話呢個好抵食，而且肉質都幾嫩滑仲好入味，呢個價嚟講性價比極高！3. 鐵板牛骨髓、牛尾及牛腱配薯條 ＄118呢個係店員推介嘅Set，我都對個牛骨髓幾好奇，印象中都幾高營養價值幾補㗎嘛！嚟到發現超大份，個牛骨勁大舊，輕輕用叉中間撩一撩就起到啲牛骨髓，質感滑滑地，味道好濃郁，仲有少少燒烤味咁。而個牛尾同牛腱睇落少少生，不過食落都幾嫩滑，啲肉好易就甩到出嚟。不過真係
呢間Sticks & Fire，店內環境企理，坐位就唔算多，見到都有客人嗌緊外賣。
而店員比我感覺好友善呀！仲推介咗佢哋餐廳有咩必食嘅Menu。見價錢幾抵，我哋都好唔客氣咁嗌咗4樣嘢食 （份量係好多，不過我哋今日真係好肚餓！）
1. 白汁煙三文魚意粉 ＄98
Size適中，三文魚唔算太咸剛剛好。幾得意係個白汁味偏甜，但係食落件事又幾夾、幾開胃，而且都整得幾入味。我哋好快已經清晒成碟！
2. 鐵板霹靂霹靂烤雞 半隻 配意粉 $68
大家都知而家去街市買隻雞都幾貴吓，所以本身期望不大。一上菜，見到半隻雞都咁大大隻，有驚喜喎！我Friend都話呢個好抵食，而且肉質都幾嫩滑仲好入味，呢個價嚟講性價比極高！
3. 鐵板牛骨髓、牛尾及牛腱配薯條 ＄118
呢個係店員推介嘅Set，我都對個牛骨髓幾好奇，印象中都幾高營養價值幾補㗎嘛！嚟到發現超大份，個牛骨勁大舊，輕輕用叉中間撩一撩就起到啲牛骨髓，質感滑滑地，味道好濃郁，仲有少少燒烤味咁。
而個牛尾同牛腱睇落少少生，不過食落都幾嫩滑，啲肉好易就甩到出嚟。不過真係好飽！！！呢個份量男仔食都應該夠晒飽！
.
4. 乾果沙律 $65
覺得今日好邪惡食咗好多肉，所以去到尾聲要嗌個沙律Refresh吓！
其實落咗芝麻醬嘅菜已經好食，不過入面有少少梅干、無花果同蔓越莓，又幾好喎，呢啲都係出名對女士身體好嘅果乾，好啱女仔食！雖然話就話好飽，但個沙津好好食，我哋都係清晒哈哈！！
以上嘅套餐都會包一個嘢飲，可以揀汽水、茶、咖啡或者餐湯。
而家睇返相都覺得好抵食！！以一個嗌多咗嘅標準嚟講，埋單都係$350左右。價錢抵食，份量多！
.
下次去開呢頭都會過嚟食多次個Lunch Set，可以試吓其他，例如西冷扒、五花肉咁，見到隔離枱都食得好滋味，下次又試吓先！！
張貼
