Dear Grey

營業中

休息中

北角錦屏街新開左一間三文治店，身為北角街坊既我，一定要去探下店，餐廳裝修歐陸風，門口還有户外位，感覺舒適寫意。餐廳主要售賣六款三文治，見到安格斯西冷牛堡同手撕油封鴨脾三文堡有手指公logo，咁就一定要試下，combo要另加$20，有soft drink 同 canjun French Fries，薯條係我鍾意食既粗薯條，加上有香料粉，十分惹味。安格斯西冷牛堡 用安格斯西冷黎做三文治，真係相當吸引，麵包係選用focaccia麵包，烘得非常香脆，帶淡淡香草氣息，揭開麵包就係好澎湃既牛扒，牛扒微微煎香，中間還是粉嫩的顏色，幼嫩中帶少許咬口，牛肉味道香濃，還有火箭菜和蕃茄，可平衡油膩感。手撕油封鴨脾三文堡油封鴨脾比較少食，所以一定要試！估吾到係咁好食，鴨肉非常之嫩滑，而且份量好多，用料毫不吝嗇，一口咬落去肉汁四溢，還有鴨油的香氣，而麵包係選用拖鞋包，外殼酥脆，口感鬆軟又煙韌，還有生菜和蕃茄，令口感更豐富。