Dear Grey

營業中

休息中

今日喺北角揾食，醒起之前見到呢一間，俾佢嘅牛排三文治吸引住，所以今次黎試吓。因為我唔熟北角啲路，佢喺條巷仔入邊，跟住地圖我都覺得有啲難揾。當日晏晝去到已經坐滿人，得返廚房隔離嘅一張枱仔。唔知係咪因為啱啱開門冇耐，成間餐廳都唔係好夠冷氣。果日有啲喉嚨痛，所以冇嗌到三文治配薯條，轉叫咗都係出名嘅費城芝士牛排飯，餐配咗個餐前漬物同冷泡茶。費城芝士牛排飯 芝士同牛肉鋪滿飯面，一上到枱勁香。牛肉切得比較碎，芝士融入埋一齊好好撈飯。其實食落有啲似碎牛撈飯，我期待嘅牛肉係薄片而唔係切到咁碎。而且我期望會係調味上豐富啲，依家就食落比較單一，只有黑椒味。份量對一個女仔嚟講啱啱好，因為芝士份量都多，食到最後會有啲滯。