華麗川湘館

營業中

休息中

自從去咗澳門工作之後，我好少約朋友食飯。今日星期五特登返香港同一個好朋友聚會，朋友特別鍾情四川菜，尤其係烤魚。所以佢揀咗呢間華麗川湘館。餐廳嘅烤魚有三款，包括麻辣味、香辣味同酸菜味，而餐廳有推出烤魚套餐，價錢係$388，另外仲有前菜、一碟蔬菜，非常吸引🤩一坐低就有免費四川香酥花生食，味道有少少辣，外皮好酥脆。飲品方面，我哋揀咗酸梅湯，清涼解暑又好飲🥰- 香蔥雞蛋豆乾粒豆乾粒口感紮實，加咗雞蛋汁之後變得濕潤，越食越上癮。- 酸菜烤魚烤魚肉質唔錯，冇乜細骨，食起上嚟啖啖肉，就算煮咗好耐都唔覺得肉質變老，非常適合烤魚👍🏻。酸菜嘅份量好多，令魚肉非常入味，整體唔算辣，配菜嘅份量亦非常豐富，包括芽菜、蓮藕、麵條等等。蔬菜盤入面有三款，蔬菜索曬汁非常惹味。烤魚套餐真心幾抵食，朋友果然無介紹錯。除咗烤魚之外，餐廳仲有提供雞煲、香鍋、小菜甚至凍蟹，應有盡有。