VV尾線

營業中

休息中

紹咗呢間好少見人介紹嘅街坊小店，話佢地嘅酸辣米線同蟲草雞湯米線幾唔錯。欣賞佢哋可以揀酸麻程度，同麵條嘅軟硬。不過佢哋人手唔太足夠，等候食物時間有啲耐，建議大家有充足嘅lunch time先去試。🍜 牛魔王麻辣酸湯寬粉 ($68) 👅:87.23分揀唔到食咩餸，最好就係嚟個大雜燴。牛魔王餐有牛肚，牛脷，肥牛，同其他基本米線配料。牛嘅份量都多，味道都不錯，辣度叫左小辣，感覺似譚仔嘅3小辣，酸度可以再加強，但就夠哂麻。寛粉嘅軟硬度適中，好爽口，唔會食到好濟。特登加配兩粒冬陰公蝦丸，都幾重冬陰公味，有興趣可以試下。🍜 蟲草花膠雞魚湯米線 ($68) 👅:92.13分推介！ 呢款米線有蟲草花，鮮冬菇，花膠，雞柳，豆卜，$68嚟講真係超足料，，雞肉好嫩滑，雞湯加埋花膠一齊煮味道超濃郁，無乜味精，全碗湯飲哂。🍜 雲南麻辣酸湯米線（$38) 👅:86.11分+牛脷 $12+竹笙 $8竹笙份量超多，吸晒酸辣湯嘅味道！牛脷係較厚身，煮得算淋，係一兩舊比較難咬。