匠心廚房 (已結業)

是日晚上幫友人慶生，知佢最喜歡食下中菜，就book左間同事推薦, 位於尖沙咀北京道的#匠心廚房，同事食過話環境同質素都正，咁我就跟友人去食下😉。點左個是日足料燉湯比佢飲，是無花果南北杏排骨湯，佢說足料清潤，個排骨仲好滑溜。新薯孜然焗肉排，薯仔炆得好淋，排骨肥瘦適中，味道帶點辣，加上孜然粉，令味道更加提升。翡翠花雕蒸蝦球，擺盤靚，蝦🦐大隻夠爽口，花雕蒸蛋濃稠度剛好，酒味不算太濃，但都很好吃😋。濃湯雪菜龍躉麵，清清地叫左呢個麵，有4大舊美味厚身龍躉，麵的質感軟淋，湯很夠鮮味，份量大2人食都夠。