影片
更多
2022-07-16
232 瀏覽
朋友放假，相約會面，一起吃頓午餐。友人話想食上海菜，帶左我嚟呢間「龍門小棧」。餐廳位於灣仔鬧市，地理位置優越，由港鐵灣仔站 A3 出口步行過嚟，亦只是約 4 分鐘路程，交通非常方便。聽朋友講，餐廳今年初春先開幕，提供超過 20 款正宗上海麵食，亦有多個素食之選，而且餐點價錢經濟實惠，性價比極高，所以都吸引左唔少鄰近嘅居民同上班族嚟幫襯。點左碗醬燒扎蹄麵，另外再加左個本幫客飯套餐同甜品。醬燒扎蹄麵 ($58) 率先送上，麵條選用了纖如銀針嘅陽春麵，麵質光身，拉得很幼細，食落爽身滑溜，不得不讚。扎蹄味道亦一流，軟熟彈嫩，入口帶微微醬香。 本幫客飯套餐 ($98) 套餐包涼菜或點心、本幫小炒及飲品。我哋揀左羅漢素鵝、蔥爆肥牛同凍甜豆漿。素鵝用料十足，腐皮一層疊一層，內裡釀有冬菇、甘筍和豆腐乾絲，毫不花巧，口感清新不膩。肥牛水準亦唔錯，肉質夠腍又冇渣，食落唔會過韌，京蔥爆得鑊氣十足，香氣四溢，惹味非常。小炒可選配白飯、菜飯或陽春麵。豆漿甜度適中，豆味濃郁，而且又夠冰涼，大熱天時飲真係好解渴。甜品揀左客豆沙鍋餅 ($42)，豆沙餡綿密中又帶點顆粒，入口外脆內軟，而且分量同甜度亦啱啱好，一口一件
朋友放假，相約會面，一起吃頓午餐。友人話想食上海菜，帶左我嚟呢間「龍門小棧」。
餐廳位於灣仔鬧市，地理位置優越，由港鐵灣仔站 A3 出口步行過嚟，亦只是約 4 分鐘路程，交通非常方便。
聽朋友講，餐廳今年初春先開幕，提供超過 20 款正宗上海麵食，亦有多個素食之選，而且餐點價錢經濟實惠，性價比極高，所以都吸引左唔少鄰近嘅居民同上班族嚟幫襯。
點左碗醬燒扎蹄麵，另外再加左個本幫客飯套餐同甜品。
醬燒扎蹄麵 ($58) 率先送上，麵條選用了纖如銀針嘅陽春麵，麵質光身，拉得很幼細，食落爽身滑溜，不得不讚。扎蹄味道亦一流，軟熟彈嫩，入口帶微微醬香。 
本幫客飯套餐 ($98) 套餐包涼菜或點心、本幫小炒及飲品。我哋揀左羅漢素鵝、蔥爆肥牛同凍甜豆漿。
素鵝用料十足，腐皮一層疊一層，內裡釀有冬菇、甘筍和豆腐乾絲，毫不花巧，口感清新不膩。
肥牛水準亦唔錯，肉質夠腍又冇渣，食落唔會過韌，京蔥爆得鑊氣十足，香氣四溢，惹味非常。小炒可選配白飯、菜飯或陽春麵。
豆漿甜度適中，豆味濃郁，而且又夠冰涼，大熱天時飲真係好解渴。
甜品揀左客豆沙鍋餅 ($42)，豆沙餡綿密中又帶點顆粒，入口外脆內軟，而且分量同甜度亦啱啱好，一口一件，盡是滿滿嘅甜蜜滋味！
張貼
