影片
更多
2018-12-19
2786 瀏覽
係Omakase大受歡迎之前已經聽過鮨文大名，一直想試但礙於價錢都有少少猶豫，等到今日終於收到令我緊張已久的好消息，鬆一口氣之餘決心要食餐好慶祝一下！飽餐一頓後第一感覺，就係：值得！當晚餐單一入座先上茶碗蒸，先有黑松露獨特香味，再食到蛋香同元貝嘅鮮，令人驚喜嘅前菜。來自兵庫縣的真蠔，伴滲了醋的沖繩水草。蠔肉鮮甜幼滑，與爽口帶酸的水草極配。象拔蚌水管位置做成刺身，肉身則加上醬油及柚子灸燒，爽口鮮甜。一開始聽到幼鰤未反應到係咩魚，原來即是幼年油甘魚，兩種做法分別係將刺身夾住幼嫩牙蔥，第一次食咁幼嫩嘅蔥，有蔥香卻沒有「青」味，與魚油香極夾！掛住食唔記得影相，只淨下灸燒過的肥美魚腩有相睇！白子用高湯煮過再加入紫菜及酸湯，質感有少少似水豆腐咁幼滑，但比豆腐粘口，未必個個接受但我非常鐘意佢嘅口感！稿鰹用稻草煙燻過，加上薑同蔥花，食到中段煙燻味好突出，最尾食到鰹魚肉獨有的微酸味。香箱蟹原來係雌性松葉蟹的叫法，三層蟹肉、蟹子及蟹膏伴埋一齊食，加上蟹湯精華，極之鮮甜！牡丹蝦燙熟後肉質彈牙而且絲毫沒有腥味，加上蝦子及魚子醬一齊食味道好豐富。聽過介紹原來下面嘅日本白蘿蔔都係心機菜，先用高湯煮淋再煎香，最後加
當晚餐單
一入座先上茶碗蒸，先有黑松露獨特香味，再食到蛋香同元貝嘅鮮，令人驚喜嘅前菜。
來自兵庫縣的真蠔，伴滲了醋的沖繩水草。蠔肉鮮甜幼滑，與爽口帶酸的水草極配。
象拔蚌水管位置做成刺身，肉身則加上醬油及柚子灸燒，爽口鮮甜。
一開始聽到幼鰤未反應到係咩魚，原來即是幼年油甘魚，兩種做法分別係將刺身夾住幼嫩牙蔥，第一次食咁幼嫩嘅蔥，有蔥香卻沒有「青」味，與魚油香極夾！掛住食唔記得影相，只淨下灸燒過的肥美魚腩有相睇！
白子用高湯煮過再加入紫菜及酸湯，質感有少少似水豆腐咁幼滑，但比豆腐粘口，未必個個接受但我非常鐘意佢嘅口感！
稿鰹用稻草煙燻過，加上薑同蔥花，食到中段煙燻味好突出，最尾食到鰹魚肉獨有的微酸味。
香箱蟹原來係雌性松葉蟹的叫法，三層蟹肉、蟹子及蟹膏伴埋一齊食，加上蟹湯精華，極之鮮甜！
牡丹蝦燙熟後肉質彈牙而且絲毫沒有腥味，加上蝦子及魚子醬一齊食味道好豐富。聽過介紹原來下面嘅日本白蘿蔔都係心機菜，先用高湯煮淋再煎香，最後加上白麵豉，清甜冇渣。壽司一樣精彩
金目鯛來自日本有名的產地伊豆，肉質較結實；北寄貝刺身因為保存困難，平時食嘅多數係已經煮熟所以帶紅色。新鮮北寄貝鮮甜爽口而且完全不韌身。
針魚帶微微腥味所以同薑蓉及蔥花最夾，味道清甜。
師傅介紹的關西魚王---赤鯥，好矜貴。入口比想像中更柔軟，外皮稍為燒過令魚香更強烈。
吞拿魚唔洗多講，大拖羅入口即融，赤身魚脂較少，醃過好甘香。
好浮誇的雲丹盛，師傅幾乎將半板海膽放哂上去，北海道紫海膽無論Creamy的質感定鮮甜味都冇得輸！
鮮甜魚湯，跟係味濃嘅海膽後飲可以清一清。
鰈魚手卷，魚油香氣係口入面爆發，食完真係好飽！
最後以蜜瓜作結。全晚亮點太多，幾乎每樣食物都俾到驚喜，上面都未能一一提及。好佩服師傅對食材產地、煮法甚至每種魚嘅釣法都瞭如指掌，唔只單單食左一餐，仲學左唔少野！
總結都係個兩隻字：值得！
張貼
