影片
更多
2024-10-24
897 瀏覽
觀塘近牛頭角嘅復古風西餐廳🍽️。氣氛浪漫，最平4-course dinner set $288/位，like/follow 社交平台仲有九折優惠🤑。最緊要係食物質素喺觀塘西餐嚟講真係數一數二🫢。因為前菜真係太吸引（選擇困難🫣），我哋嗌咗一個5-course同一個4-course。🌟鵝肝燉蛋伴法式煎多士鵝肝肥美嫩滑，油香滿滿。加埋燉蛋食，油膩感低咗好多。🌟香草醬焗田螺伴脆薯餅田螺肉大隻彈牙。底下係gratin，薯仔🥔芝士🧀牛油🧈焗到極香，邪惡到不得了。🌟魔鬼吞拿魚尼歌斯沙律除咗沙律菜之外仲有烚蛋、法邊豆，食落冇咁單調。Seared tuna味道鮮美，仲有黑胡椒香味嘅點綴。🌟古法牛尾濃湯既有雜菜湯嘅清甜開胃，又有濃濃肉味，加上芹類味道嘅點綴，味道好有層次。🌟新英倫蜆肉周打湯幼滑又鮮甜，味道特別豐富。🌟慢煮紐西蘭羊架 配 焦糖蘋果 伴 芥茉籽汁好靚嘅香草寶雲酥！五成熟嘅羊肉軟嫩多汁。焦糖蘋果嘅清甜口味大大減低咗油膩感。🌟海陸二重奏 +$128（法式芝士焗龍蝦半隻 伴 炭燒美國安格斯肉眼牛扒）龍蝦表面鋪滿芝士🧀，焗到有層香口嘅脆脆芝士。但濃濃香味都遮蓋唔到龍蝦嘅鮮甜。我鐘意佢哋將龍蝦鉗起埋肉，簡
觀塘近牛頭角嘅復古風西餐廳🍽️。氣氛浪漫，最平4-course dinner set $288/位，like/follow 社交平台仲有九折優惠🤑。最緊要係食物質素喺觀塘西餐嚟講真係數一數二🫢。因為前菜真係太吸引（選擇困難🫣），我哋嗌咗一個5-course同一個4-course。
🌟鵝肝燉蛋伴法式煎多士鵝肝肥美嫩滑，油香滿滿。加埋燉蛋食，油膩感低咗好多。
🌟香草醬焗田螺伴脆薯餅田螺肉大隻彈牙。底下係gratin，薯仔🥔芝士🧀牛油🧈焗到極香，邪惡到不得了。
🌟魔鬼吞拿魚尼歌斯沙律除咗沙律菜之外仲有烚蛋、法邊豆，食落冇咁單調。Seared tuna味道鮮美，仲有黑胡椒香味嘅點綴。
🌟古法牛尾濃湯既有雜菜湯嘅清甜開胃，又有濃濃肉味，加上芹類味道嘅點綴，味道好有層次。
🌟新英倫蜆肉周打湯幼滑又鮮甜，味道特別豐富。
🌟慢煮紐西蘭羊架 配 焦糖蘋果 伴 芥茉籽汁好靚嘅香草寶雲酥！五成熟嘅羊肉軟嫩多汁。焦糖蘋果嘅清甜口味大大減低咗油膩感。
🌟海陸二重奏 +$128（法式芝士焗龍蝦半隻 伴 炭燒美國安格斯肉眼牛扒）
龍蝦表面鋪滿芝士🧀，焗到有層香口嘅脆脆芝士。但濃濃香味都遮蓋唔到龍蝦嘅鮮甜。我鐘意佢哋將龍蝦鉗起埋肉，簡直係懶人恩物。肉眼扒口感特別嫩，同埋真係有炭燒香。
🌟是日精選切餅：芒果熱情果蛋糕蛋糕質地軟綿，芒果酸味同熱情果甜味好平衡。
🌟法式焦糖燉蛋質地比較稀（似custard），同前菜嘅燉蛋/平時食開嘅都好唔同。但我鐘意佢特別濃嘅雲尼拿香。
張貼
