一豊 (已結業)

天水圍一向都比較少日本菜餐廳，區內選擇少既情況下，好多人都會寧願搭程車落元朗，但最近發現左天耀商場入面有間「一豊」，水準拍得上出面既日本菜，一洗天水圍美食沙漠既頹名。焗西蘭花用左爆多芝士焗製，而且味道濃郁，口感豐富。日式大阪燒區內應該得佢一間有，木魚絲同埋沙律醬落得重手唔度縮，好味！鹽燒牛舌唔係薄切，舊舊厚身，而且火候控制得宜，油脂分佈平均，係水準之作。北海壽司拼盤最抵食，百幾蚊有曬唔同種類既壽司，而且師傅有心機，唔係就咁放塊魚生落去就算，面頭有黑松露、柚子醬等令壽司味道更加有層次，鮮味更加突出。總括黎講，一豊可以話係區內性價比較高既日本菜，而且距離西鐵站較近，來到天水圍既朋友可以一試。