郎田日本料理 (已結業)

昨晚岩岩食完, 我覺得十分之好, 冇食評講到咁差 , 首先去到全場爆滿啦, 雖然BOOK左位但都等左一陣, 不過老闆同服務生D 態度好好, 好快有位啦, 侍應生就好醒目咁問我地有冇CUPON, 仲講埋唔同既CUPON 係唔同既優惠, 態度十分好, 然後點既野係估都估唔到來得咁快而且仲咁齊全< 完全冇溜單情況出現~ 食物方面, D 三文魚刺身大大塊又肥美, D 鳥貝又爽, 因為怕好快飽所以冇乜叫到壽司, 只叫了芥辣八爪魚, 好好味, 炸物夠晒熱, 串燒又好味, 臨食飽仲要叫多幾串來送下酒, 另外個牛肉煱同埋金姑牛肉卷真係好正, 沙律就麻麻, 最想講既係, ASAHI BEER 任飲實在太好啦, 好鍾意呢隻啤酒, 所以佢呢個任飲完全吸引到我同埋D FRIEND 來, HAHA~ 雖然呢度對我來講係遠左D , 但以咁既價錢咁既質數, 我寧願遠D 都想再來, 總括, 昨晚飲得同埋食得好開心