名人坊高級粵菜 (已結業)

中秋前夕，就算疫情也想團圓一下。之前和朋友來過幾次，喜歡這𥚃地方十分寧靜，朋友聚會有一種很溫暖的感覺。今天發現原來可以用app 訂位，喜出望外立即師奶仔上身，因為有特價，咁我可以食得更豪，坐旁邊兩位高層富貴人家立即斜視我哈哈，我真心想請大家食好啲㗎！不過大家知道有半價唔畀我請喔！我哋叫咗大良煎蝦餅，龍蝦粉絲煲，蒸龍躉，牛肉炒芥蘭。個龍蝦粉絲煲真係冇得彈，龍蝦好入味，龍蝦開邊，啲粉絲索晒啲湯汁，每一啖粉絲都好好味。蒸龍躉上面淋上炸菜，不過我唔食炸菜，所以冇特別喜歡唔喜歡。牛肉炒芥蘭似潮洲菜，好惹味。朋友經常來，經理送我們每人一客杏汁白肺湯，仲有秘製炸魚皮！太VIP了，被朋友單眼我，哈哈，怎麼了？又不是我逼他送我半價，我是光明正大用訂位app的喇！這餐飯十分美味，人情味比飯餸更令人難忘。現在我又想去了。